ევროკავშირის საგარეო პოლიტიკისა და უსაფრთხოების საკითხებში კომისარის განცხადებით, ევროკავშირი რუსეთის მიერ ანექსირებულ ყირიმში 18 სექტემბერს გამართულ დუმის არჩევნებს არალეგიტიმურად მიიჩნევს. 

როგორც ფედერიკა მოგერინიმ აღნიშნა, ევროკავშირი ყირიმის უკანონო ანექსიას არ აღიარებს. 

“ევროკავშირი არ აღიარებს რუსეთის ფედერაციის მიერ ყირიმის უკანონო ანექსიას, შესაბამისად არ აღიარებს ყირიმის ნახევარკუნძულზე ჩატარებულ არჩევნებს. ევროკავშირის მხრიდან უკრაინის ტერიტორიული მთლიანობისა და სუვერენიტეტის მხარდაჭერა უცვლელი რჩება”, - ნათქვამია ევროკავშირის განცხადებაში.

შეგახსენებთ, რომ ანალოგიური პოზიცია აშშ-ის სახელმწიფო დეპარტამენტს გააჩნია. უწყება აღნიშნავს, რომ ევროკავშირის და ეუთო-ს დამკვირვებლები ყირიმის ტერიტორიაზე საარჩევნო პროცესს არ აკვირდებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ISW: რუსეთის არმიის რეალური წარმატებები უკრაინაში პუტინის მიერ განცხადებულზე ხუთჯერ ნაკლები აღმოჩნდა

საქართველოში რუსულენოვანთა რაოდენობა თითქმის 19%-ით გაიზარდა

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა