პირველი ვიცე-პრემიერის, ეკონომიკისა და მდგრადი განვითარების მინისტრის დიმიტრი ქუმსიშვილის განცხადებით, „სილიკონ ველი თბილისის“ პროექტი საჯარო და კერძო თანამშრომლობის კარგი მაგალითია. პროექტის პრეზენტაცია დღეს გაიმართა, რომელსაც საქართველოს პრემიერ-მინისტრი, მინისტრთა კაბინეტის წევრები, ბიზნესსექტორი და სხვა მოწვეული სტუმრები დაეწრნენ. 

დიმიტრი ქუმსიშვილის ინფორმაციით, აღნიშნული პროექტის განსახორციელებლად 6 წლის განმავლობაში 18 მილიონი ლარის ინვესტიცია განხორციელდება, ამასთან, პირველი სამი წლის მანძილზე ინვესტორმა ვალდებულება აიღო, 6 მილიონი ლარის ინვესტიცია დააბანდოს. 

თბილისში პირველი მაღალტექნოლოგიური ცენტრი „სილიკონ ველი თბილისის“ პროექტი ბიზნესისა და ტექნოლოგიების უნივერსიტეტის, საგანმანათლებლო სკოლის, გადამზადების და დასაქმების ცენტრების, ინოვაციებისა და კვლევითი ლაბორატორიების, IT-აკადემიის და მედიაცენტრის გახსნას ითვალისწინებს. უნივერსიტეტში 2200-ზე მეტმა სტუდენტმა უნდა ისწავლოს, სკოლაში კი - დაახლოებით 450-მა მოსწავლემ.   

„ყველაზე მეტად, რაც ჩვენ დღეს გვჭირდება, კარგად მომზადებული კადრებია, განსაკუთრებით ტექნოლოგიური მიმართულებით,“ - განაცხადა დიმიტრი ქუმსიშვილმა და პროექტის ინვესტორებს წარმატება უსურვა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა

მარნეულში ავარიას მოტოციკლის მძღოლი ემსხვერპლა

ხოშტარია: დაწყებულია ტკივილის მართვა, რამაც დიდი შვება მომცა, ბევრად უკეთ ვგრძნობ თავს