"მრეწველებმა" საარჩევნო პროგრამა წარადგინეს

2016-09-07 01:14:51, 1160 ნახვა

პოლიტიკა

პარტიამ "მრეწველობა გადაარჩენს საქართველოს" საარჩევნო პროგრამა წარადგინა.

როგორც "ექსპრესნიუსს" პარტიის პრეს-სამსახურმა აცნობა, "მრეწველების" ერთ-ერთი მთავარი პრიორიტეტები ადგილობრივი წარმოების და ეკონომიკის განვითარებაა.

მათივე ინფორმაციით, "მრეწველების" საარჩევნო პროგრამაში ისეთი საკითხებია წამოწეული წინ, როგორიცაა საგარეო პოლიტიკა, ქვეყნის უსაფრთხოება, საპენსიო უზრუნველყოფა და სოციალური დაცვა, სახელმწიფო სადაზღვევო სისტემის სრულყოფა, ჯანდაცვა, განათლება და ეროვნული ღირებულებები.

როგორც პარტიაში აცხადებენ, უპირველეს ყოვლისა, საჭიროა ძლიერი, სტაბილური და განვითარებული ეკონომიკის არსებობა, რაც ადგილობრივი წარმოების განვიტარების გარეშე წარმოუდგენელია. ასევე, ქვეყნის საგარეო პოლიტიკური კურსი, უპირველეს ყოვლისა, ქვეყნის საშინაო პოლიტიკას უნდა ეფუძნებოდეს, რაც სახელმწიფო ხედვას და არჩევანს გულისხმობს.

"მრეწველების" თქმის, ქვეყნის წარმატებული საშინაო პოლიტიკის ერთ-ერთი მნიშვნელოვანი ასპექტი არის მოსახლეობისთვის ადეკვატური პენსიის დარიგება და სოციალური დაცვის უზრუნველყოფა.

პარტიის წევრის და ქარელის რაიონის მაჟორიტარობის სავარაუდო კანდიდატის თამილა შაბაშვილის განცხადებით, ადგილობრივი წარმოების განვითარება წარმატების ერთ-ერთი კომპონენტია.

"წარმოვადგინეთ "მრეწველების" საარჩევნო პროგრამა, სადაც ჩვენი მთავარი პრიორიტეტები გახდა ადგილობრივი წარმოების განვითარება, რის შედეგადაც ვიღებთ საშუალო ფენას. ადგილობრივი წარმოების განვითარება ჩვენი კონცეფციით, ეს არ არის პროტექციონისტული მიდგომა არამედ სწორედ ის შემაფერხებელი გარემოებების განსაზღვრა და სტიმულირებაა, რაც უკვე პუნქტობრივად განსაზღვრულია, თუ რა ქმედებები უნდა განხორციელდეს ამისათვის", - აღნიშნა პარტიის წევრმა.

"მრეწველების" თქმით, თითოეული მოქალაქის უფლებების დაცვა, პარტიის ხედვის ერთ-ერთი ქვაკუთხედია.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან