ექსპერტი პოლიტიკის საკითხებში გია ხუხაშვილი „ექსპრესნიუსთან“ საუბრისას ბოლო პერიოდში საკონსტიტუციო სასამართლოს ირგვლივ განვითარებულ მოვლენებს ეხმაურება და აცხადებს, რომ „ქართული ოცნების“ აღმასრულებელი მდივანის ირაკლი კობახიძის განცხადებები არაადეკვატურია და ის სრულ გაურკვევლობაშია.

„ირაკლი კობახიძე არის სრულ გაურკვევლობაში. გამოდის და სრულიად გაუგებარ რაღაცებს ლაპარაკობს. როგორც ჩანს, ის ერთჯერადი გამოყენების პოლიტიკოსია, რომელსაც ტექსტებს უწერენ და ისიც იმეორებს. კობახიძემ ელისაშვილზეც კი თქვა, რომ სად იყო 2012 წლამდეო, ეს ყველაზე დიდი უცნაურობაა. როგორ შეიძლება ამ ადამიანმა ელისაშვილზე თქვას თუ სად იყო ის 2012 წლამდე. მიუხედავად იმისა, რომ გიორგი პაპუაშვილზე დიდი წარმოდგენის არ ვარ, არ შეიძლება გამოხვიდე და ისაუბრო იმაზე, შეთანხმებული იყო თუ არა საკონსტიტუციო სასამართლოს სახელით გამოქვეყნებული განცხადება სხვა მოსამართლეებთან. მოსამართლეები თავად გაერკვევიან ამაში და პოლიტიკოსი მსგავს განცხადებებს არ უნდა აკეთებდეს“, - განაცხადა ხუხაშვილმა.

შეგახსენებთ, რომ მმართველი გუნდი საკონსტიტუციო სასამართლოს თავმჯდომარეს ნაციონალური მოძრაობის დაკვეთის შესრულებაში ადანაშაულებს. ქართულ ოცნებაში გიორგი პაპუაშვილსა და ოპოზიციას პლენუმის სხვა წევრების დისკრედიტაციის მცდელობაში სდებენ ბრალს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი