2016-08-29 10:56:03, 1769 ნახვა
მსოფლიო
ბრიუსელში კრიმინოლოგიის ინსტიტუტთან აფეთქება მოხდა
ბრიუსელში კრიმინოლოგიის ინსტიტუტის მახლობლად ასაფეთქებელი მოწყობილობა აფეთქდა, - ამის შესახებ ინფორმაციას BBC ავრცელებს.
როგორც მედია საშუალება წერს, აფეთქების შედეგად არავინ დაშავებულა. დაახლოებით ღამის 02:30 საათზე ავტომობილმა ინსტიტუტის ღობე გაარღვია, რის შემდეგაც თავდამსხმელებმა ლაბორატორიის მახლობლად ასაფეთქებელი მოწყობილობა ააფეთქეს.
მედიის ცნობით, ინციდენტის დროს ინსტიტუტის შენობაში არავინ ყოფილა.
შეგახსენებთ, რომ ბრიუსელის აეროპორტსა და მეტროსადგურში მარტში მომხდარი აფეთქებების შემდეგ, ბელგიაში ტერორისტული საფრთხის გაძლიერებული რეჟიმი მოქმედებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
