2016-08-04 23:20:44, 960 ნახვა
საზოგადოება
ბორჯომში ძლიერი წვიმის შედეგად სახლებია დატბორილი
ბორჯომში ძლიერი წვიმისა და სეტყვის შედეგად საცხოვრებელი სახლები და საზოგადოებრივი დაწესებულებები დაიტბორა. ელექტრო ენერგიის მიწოდება ბორჯომს შეწყვეტილი აქვს.
არსებულ ვითარებასთან დაკავშირებით საგანგებო სიტუციების სამსახურმა განცხადება გაავრცელა, სადაც ნათქვამია, რომ პანიკის საფუძველი არ არსებობს და ბორჯომში მობილიზებულია დამატებითი სახანძრო-სამაშველო ჯგუფები. განცხადებაში აღნიშნულია, რომ დამატებითი შემადგენლობის მობილიზება ახალციხიდან მოხდა.
ბორჯომში მოსულმა სეტყვამ მოსავალიც გაანადგურა.
ფოტო გადაიღო ჟურნალისტმა კოტე ინაშვილმა
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
