„ქართულმა ოცნებამ“ და მისმა სატელიტებმა ძალიან მალე დაიწყეს „განაცების“ პროცესი, - ამის შესახებ ”დემოკრატიული მოძრაობის” ლიდერმა ნინო ბურჯანაძემ განაცხადა. 

მისი თქმით, „რესპუბლიკური პარტია“ თან ხელისუფლებაშია და უნდა მინისტრები ლამის არჩევნების ბოლო დღემდე ჰყავდეს, თან ვითომ ოპოზიციაშია. „მათ ვითომ შეაქვთ გერმანული მოდელი პარლამენტში, თან გამოაქვთ იმის სანაცვლოდ, რომ ვაჭრობის შედეგად მოიპოვონ თავისუფალი დრო და კიდევ ბევრი“, - აცხადებს „დემოკრატიული მოძრაობის“ ლიდერი.

ნინო ბურჯანაძის თქმით, პოლიტიკურ ვაჭრობაში, პარლამენტში არსებული თითქმის ყველა პოლიტიკური ძალა აღმოჩნდა ჩართული, მცირე გამონაკლისების გარდა.

„მე ახლა ამ გამონაკლისებს ვერ ვასახელებ იმის გამო, რომ ჯერჯერობით არ მაქვს კენჭისყრის დოკუმენტი, სადაც ნათლად დავინახავ არის თუ არა გამონაკლისი. პარლამენტების უმრავლესობის მხრიდან ძალიან ცუდად მთვარდება ბატონებო ასეთი ტიპის გადაწყვეტილებები და თქვენ აუცილებლად ცუდად დაამთავრებთ, რადგან თქვენ ძალიან სწრაფად დაიწყეთ „ქართულო ოცნებავ“ და თქვენს ირგვლის მდგომო პარტიებო, „განაცების“ პროცესი, იმაზე გაცილებით სწრაფად, ვიდრე ეს თავად „ნაციონალურმა მოძრაობამ“ დაიწყო“, - განაცხადა ნინო ბურჯანაძემ.

მისივე თქმით, ძალიან ცუდად დამთავრდება 2016 წლის საპარლამენტო არჩევნები, რომელიც უკვე დგას დიდი კითხვის ნიშნის ქვეშ და ამაზე პასუხისმგებლობა სწორედ „ქართულ ოცნებას“ და ბიძინა ივანიშვილს დაეკისრება. 

„ნამდვილად ძალიან დიდი კითხვის ნიშნის ქვეშ დგას უკვე მომავალი არჩევნები და ეს აწყობს ძალიან ბევრ ძალას! ჩვენ ნამდვილად არა, მაგრამ ძალიან ბევრ ძალას აწყობს და მთელი პასუხისმგებლობა რაც შეიძლება მოხდეს ქვეყანაში არჩევნებამდე და არჩევნების დღეს, დაგეკისრებათ „ქართული ოცნების“ დეპუტატებს და დაეკისრება ბატონ ბიძინა ივანიშვილს. მე შემთხვევით არ მიმიმართავს არც პარლამენტის თავმჯდომარისათვის, რომელმაც სამწუხაროდ დაივიწყა, რომ პარლამენტის თავმჯდომარეა და მხოლოდ ის ახსოვდა ამ გადაწყვეტილების მიღებისას, რომ მხოლოდ „რესპუბლიკური პარტიის“ თავმჯდომარეა, შემთხვევით არ მიმიმართავს არც ბატონი გიორგი კვირიკაშვილისთვის, რომელსაც რატომღაც ხმა ვერ მივაწვდინეთ. ბატონო გიროგი! თქვენი ამოცანაა ყველას მოუსმინოთ და გამოეხმაუროთ, როდესაც პირადად მოგმართავენ იმ უსამართლობასთან დაკავშირებით, რაც თქვენი პარტიული ორგანიზაციის და საპარლამენტო უმრავლესობის დროშით ხდება“, - განაცხადა ნინო ბურჯანაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times