„რუსი ოპოზიციონერი ბორის ნემცოვი დონბასში სეპარატისტების მხარეს რუსი სამხედროების ბრძოლის მტკიცებულებების გამოქვეყნებას აპირებდა“, - ამის შესახებ უკრაინის პრეზიდენტმა პეტრო პოროშენკომ განაცხადა.

„რამდენიმე კვირის წინ ნემცოვთან მქონდა საუბარი, თუ როგორ უნდა აეწყოს უკრაინასა და რუსეთს შორის ურთიერთობა. ბორისმა განმიცხადა, რომ მას აქვს მყარი მტკიცებულებები იმისა, რომ უკრაინაში რუსი სამხედროები იბრძვიან. ვიღაცას ამის ძალიან ეშინოდა და ამიტომაც მოკლეს“, - განაცხადა პოროშენკომ.

მისივე თქმით, ნემცოვი უკრაინის დიდი მეგობარი და რუსეთის დიდი პატრიოტი იყო.

„ნემცოვი არის რუსის სიმბოლო, რომელიც უკრაინას პატივისცემით ეპყრობა ადამიანი, რომელიც საკუთარ სახელმწიფოში ყველაფერს აკეთებდა, რათა თავისუფლება დაეცვა. ის თავისუფლებისა და დემოკრატიისთვის მზად იყო ცხოვრება გაეწირა“, - აღნიშნა პოროშენკომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა