საქართველოს საგარეო უწყება ბორის ნემცოვის მკვლელობის ფაქტს გმობს

2015-02-28 12:29:13, 526 ნახვა

პოლიტიკა

საქართველოს საგარეო სამქმეთა სამინისტროს სპიკერი დავით კერესელიძე რუსი ოპოზიციონერის ბორის ნემცოვის მკვლელობის ფაქტს გმობს.

როგორც კერესელიძემ დღეს გამართულ პრესკონფერენციაზე განაცხადა, ახლა მთავარია საქმის დროული და გამჭვირვალე გამოძიება მოხდეს.

„ჩვენ ვგმობთ ამ საზარელ ფაქტს. გამოძიება უნდა ჩატარდეს გამჭვირვალედ, სწრაფად, ადეკვატურად და ყველა დამნაშავე წარდგეს მართლმსაჯულების წინაშე. ჩვენ ვუსამძიმრებთ ოჯახის ახლობლებს, მის ოჯახის წევრებს და კიდევ ერთხელ ვგმობთ ამ საზარელ ფაქტს“, - განაცხადა დავით კერესელიძემ.

შეგახსენებთ, რუსი ოპოზიციონერი ბორის ნემცოვი გუშინ, მოსკოვის ცენტრში ჩაცხრილეს. მას ექსვი ტყვია ესროლეს. ოპოზიციონერი ადგილზე გარდაიცვალა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან