პრემიერ-მინისტრი გიორგი კვირიკაშვილი არ ფიქრობს, რომ გერმანია საქართველოს ევროინტეგრაციასა და NATO-ში გაწევრიანებას ხელს შეუშლის.

ამის შესახებ პრემიერმა ანგელა მერკელთან შეხვედრის შემდეგ გამართულ პრესკონფერენციაზე შესაბამისი კითხვის საპასუხოდ განაცხადა.

„ჩვენ გერმანიასა და საქართველოს შორის ურთიერთობებს განვიხილავთ უფრო ფართო და ხანგრძლივ კონტექსტში. ჩვენი ურთიერთობები არ განისაზღვრება მხოლოდ დღევანდელი გადაწყვეტილებებით, რომლებსაც ასევე არ უნდა ვუყუროთ მხოლოდ საქართველოს მოსაზრებებით და საქართველოს მხრიდან. უნდა გავითვალისწინოთ კონტექსტები, მათ შორის, როგორც ევროპული, ასევე გლობალური პოლიტიკის. ამიტომ, არ ვთვლით, რომ გერმანიამ გაგვიცრუა იმედები. ვთვლით, რომ ის პროცესი, რომელშიც ახლა ვიმყოფებით, კიდევ უფრო გვაახლოებს გერმანიასთან.

გერმანიის როლი საქართველოს ევროინტეგრაციის პროცესში და ევროპული ტრანსფორმაციის პროცესში კიდევ უფრო გამოიკვეთა, რაც ბუნებრივიც უნდა იყოს. ამიტომ ვთვლით, რომ მივაღწევთ ურთიერთგაგებას ამ პროცესში. საქართველო აუცილებლად მიიღებს ვიზალიბერალიზაციას. საქართველო თვლის, რომ აუცილებლად გახდება NATO-ს წევრი - ამისთვის საჭიროა, რომ საქართველო იყოს თანმიმდევრული ქვეყნის გარდაქმნის პროცესში - გააფართოვოს პარტნიორობა NATO-სთან და ჩვენ ვთვლით, რომ შესაძლებლობების ფანჯარა გაიხსნება საქართველოსთვის მაშინ, როდესაც იქნება საერთაშორისო კონტექსტი მზად ამისთვის.

ჩვენ  ვთვლით, რომ გერმანიასა და საქართველოს შორის ურთიერთობები არის უმნიშვნელოვანესი და ჩვენ მადლობელი ვართ გერმანიის იმ მრავალმხრივი მხარდაჭერისთვის, რომელსაც ის უწევს ჩვენს ქვეყანას ბოლო რამოდენიმე ათწლეულის განმავლობაში", - განაცხადა გიორგი კვირიკაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით