11-13 ივნისს აჭარის ა/რ მთავრობის დელეგაცია არჩილ ხაბაძის ხელმძღვანელობით ნახიჩევანის ავტონომიურ რესპუბლიკაში სამუშაო ვიზიტით იმყოფებოდა.

აჭარის მთავრობის ადმინისტრაციის პრესსამსახურის ინფორმაციით, ვიზიტის ფარგლებში არჩილ ხაბაძე ნახიჩევანის უმაღლესი მეჯლისის თავმჯდომარეს ვასილ თალიბოვს შეხვდა. 

„ორ ავტონომიურ რესპუბლიკას შორის თანამშრომლობას საფუძველი 2012 წელს ჩაეყარა და დღემდე წარმატებით გრძელდება, ორივე მხარის ძალისხმევით ეს ურთიერთობები ყოველწლიურად ღრმავდება და ფართოვდება", -აღნიშნა ვასილ თალიბოვმა.

უმაღლესი მეჯლისის თავმჯდომარემ აჭარასთან თანამშრომლობის ფორმატზე ისაუბრა, რომელიც სავაჭრო-ეკონომიკურ, ჯანმრთელობისა და განათლების სფეროებს მოიცავს.

„აღსანიშნავია  თანამშრომლობა ორ უმაღლეს საგანმანათლებლო დაწესებულებას- ბათუმის სახელმწიფო უნივერსიტეტსა და ნახიჩევანის სახელმწიფო უნივერსისტეტს შორის.წელსაც გავაგრძელებთ ინიციატივას  ქართველი და აზერბაიჯანელი შშმ ბავშვების მკურნალობას გამაჯანსარებელ სარეაბილიტაციო ცენტრებში. იგეგმება ტრანსპორტის კუთხით თანამშრომლობის გაღრმავება. ამის დასტურია ბათუმში გახსნილი საავტობუსო მარშუტი-ახალი ნახიჩევანი.ყოველივე ეს განაპირობებს მჭიდრო კავშირს ორ ავტონომიას შორის", - აღნიშნა თალიბოვმა.

აჭარასა და ნახიჩევანს შორის თანამშრომლობა აჭარის მთავრობის თავმჯდომარემ დადებითად შეაფასა. როგორც მან აღნიშნა, ეკონომიკური, სავაჭრო, განათლების, ჯანდაცვის და სატრანსპორტო სექტორებში ურთიერთანამშრომლობას უდიდესი პოტენციალი გააჩნია და ამ მიმართულებით მუშაობას მომავალშიც გააგრძელებენ. შევედრაზე მხარეებმა ორმხრივი თანამშრომლობის ძირითადი საკითხები განიხილეს, ხაზი გაუსვეს ორ ავტონომიას შორის თანამშრომლობის გაფართოების მნიშვნელობას. შეხვედრას აჭარის ჯანმრთელობისა და სოციალური დაცვის მინისტრი ნუგზარ სურმანიძე, აჭარის სოფლის მეურნეობის მინისტრი ნუგზარ ფუტკარაძე და აზერბაიჯანის რეპუბლიკის გენერალური კონსული ბათუმში რაშად ისმაილოვი ესწრებოდნენ.

აჭარის მთავრობის დელეგაციის ვიზიტის შესახებ ნახიჩევანის უმაღლესი მეჯლისის პრეს-სამსახური AzerTac-ი იუწყება.

http://azertag.az/xeber/Gurcustanin_Acaristan_Muxtar_Respublikasinin_numayende_heyeti_Naxchivan_Muxtar_Respublikasina_sefere_gelib-959786

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით