საქართველოს პირველი ლედი მაკა ჩიჩუა დღეს შეზღუდული შესაძლებლობების მქონე პირთა უფლებების დაცვის დღესთან დაკავშირებით 9 აპრილის ბაღში გამართულ ღონისძიებებს დაესწრო.  

მაკა ჩიჩუა დამსწრე საზოგადოებას მიესალმა და სიტყვით მიმართა

„დღეს, შეზღუდული შესაძლებლობების მქონე პირთა დღე აღინიშნება. არა ერთხელ მითქვამს და მინდა კვლავ აღვნიშნო, რომ შეზღუდული შესაძლებლობები არ არსებობს, განსაკუთრებით ვრწმუნდები ამაში, როდესაც თქვენ გიყურებთ, ასეთ აქტიურებსა და ენერგიულებს.

აუცილებელია ყველა ჩვენგანი, ხელისუფლება, საზოგადოება გავერთიანდეთ და შევქმნათ უკეთესი გარემო ამ შესაძლებლობათა, ამ ნიჭის სრულფასოვნად გამოვლენისათვის.

ყველას გისურვებთ ჯანმრთელობას, კეთილდღეობას და ვისურვებდი, რომ მუდამ ასეთი აქტიურები ყოფილიყავით",- განაცხადა პირველმა ლედიმ

ღონისძიების ფარგლებში გაიმართა ინტეგრირებული გუნდური ესტაფეტა, მოეწყო   სპორტული ცეკვების ფესტივალი ეტლით მოსარგებლე და ამპუტანტ მოცეკვავეთა დუეტების მონაწილეობით, ინტეგრირებული ჯგუფების მიერ შშმ თემატიკაზე გადაღებული ფოტოგამოფენა და კონკურსი. ღონისძიებების დასკვნით ნაწილზე გაიმართა კონკურში მონაწილეთა დაჯილდოება და კონცერტი ცნობილი შემსრულებლების მონაწილეობით.

დღესვე მაკა ჩიჩუა „თიბისი არტ-გალერეას"  ეწვია და უსინათლო მხატვრის გიორგი ქობელაშვილის ნამუშევრების გამოფენა, სახელწოდებით „თვალით და გონებით დანახული სამყარო" დაათვალიერა.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის