წინასაარჩევნო პერიოდში შესაძლოა, იყოს ვნებათაღელვა. ჩვენი მთავარი მიზანია, რომ კონკურენცია კონფრონტაციაში არ გადაიზარდოს, - ამის შესახებ საქართველოს პრემიერ-მინისტრმა გიორგი კვირიკაშვილმა „ქართული ოცნების“ ცენტრალურ ოფისში გამართულ ბრიფინგზე განაცხადა, სადაც პარტიის საარჩევნო შტაბის ხელმძღვანელად ვიცე-პრემიერი კახა კალაძე წარადგინა.

როგორც კვირიკაშვილმა აღნიშნა, პოლიტიკურ ძალებს დიდი პასუხისმგებლობა აკისრიათ, რადგან ქვეყნის მომავალი განვითარება არჩევნების დემოკრატიულობის ხარისხზე იქნება დამოკიდებული.

„მოგეხსენებათ, რომ წინასაარჩევნო პერიოდში შესაძლოა, იყოს ვნებათაღელვა. ჩვენი მთავარი მიზანია, რომ კონკურენცია კონფრონტაციაში არ გადაიზარდოს. ამ მიმართულებით ჩვენ, როგორც სახელისუფლებო ძალას, გაათმაგებული პასუხისმგებლობა გვაკისრია უპირველეს ყოვლისა ამომრჩევლის და რა თქმა უნდა ჩვენი მხარდამჭერების წინაშეც. თავის მხრივ, სხვა პოლიტიკურ ძალებსაც რა  თქმა უნდა აკისრიათ ძალიან დიდი პასუხისმგებლობა, რათა კიდევ ერთხელ დაამტკიცონ, რომ საქართველო არის უპირველეს ყოვლისა და ჩვენ უნდა გავუფრთხილდეთ ქვეყანას, ვინაიდან მომავალ არჩევნებზე, მისი დემოკრატიულობის ხარისხზე იქნება დამოკიდებული ჩვენი ქვეყნის მომავალი განვითარება“, - განაცხადა გიორგი კვირიკაშვილმა.

ცნობისთვის, პარტია „ქართული ოცნება - დემოკრატიული საქართველოს“ საარჩევნო შტაბს ვიცე-პრემიერი, პარტიის გენერალური მდივანი კახი კალაძე უხელმძღვანელებს. კალაძე პრემიერმა ცოტა ხნის წინ, პარტიის ოფისში გამართულ ბრიფინგზე წარადგინა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს