ოთარ დანელია ოფიციალური ვიზიტით მინსკში იმყოფება

2016-06-06 18:17:55, 646 ნახვა

საზოგადოება

საქართველოს სოფლის მეურნეობის მინისტრი ოთარ დანელია ბელარუსის რესპუბლიკაში, ქალაქ მინსკში 26-ე საერთაშორისო სასოფლო-სამეურნეო გამოფენის „ბელაგრო-2016“ გახსნის ცერემონიას დაესწრება.

როგორც „ექსპრესნიუსს“ სოფლის მეურნეობის სამინისტროდან აცნობეს, ოთარ დანელია მინსკში ბელარუსის რესპუბლიკის სოფლის მეურნეობისა და სურსათის მინისტრის, ლეონიდ ზაიაცის მიწვევით იმყოფება.

მათივე ცნობით, ქართული დელეგაციის წევრები გამოფენაზე „ბელაგრო-2016“ წარმოდგენილ სასოფლო-სამეურნეო დანიშნულების ტექნიკის და სასურსათო პროდუქციის მწარმოებელი, ასევე მეცხოველეობის დარგში მომუშავე კომპანიების სტენდებს დაათვალიერებენ.

საერთაშორისო გამოფენაში მონაწილეობას 20 -ზე მეტი ქვეყნის აგრარული მიმართულების კომპანია იღებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან