საფრანგეთის პრეზიდენტი, ფრანსუა ოლანდი საქართველოს, ვიზის ლიბერალიზაციის პროცესში, მხარდაჭერას უცხადებს, - ამის შესახებ ოლანდმა დღეს ბორდოში, საქართველოს პრემიერ-მინისტრ გიორგი კვირიკაშვილთან შეხვედრისას განაცხადა.

ოლანდმა საქართველოს მთავრობის მიერ განხორციელებული რეფორმები და ვიზის ლიბერალიზაციის პროცესში მიღწეული პროგრესი დადებითად შეაფასა.

საქართველოს პრემიერმა ოლანდთან შეხვედრისას ვიზის ლიბერალიზაციის სამოქმედო გეგმით გათვალისიწნებულ ტექნიკურ საკითხებზე დეტალურად ისაუბრა და საქართველოს დასავლური ვექტორისთვის ვიზის ლიბერალიზაციის პროცესის წარმატებით დასრულების პოლიტიკურ მნიშვნელობას ხაზი გაუსვა.

საფრანგეთის პრეზიდენტმა განაცხადა, რომ ამ საკითხზე საუბარი შესაბამის სამინისტროებთან ექნება. მისივე თქმით, ეს იმისთვისაა საჭირო, რომ ვიზის ლიბერალიზაციის საკითხზე საფრანგეთის თანხმობა მოკლე დროში იყოს მიღებული.

საქართველოს მთავრობის მეთაურისა და საფრანგეთის პრეზიდენტის შეხვედრაზე საუბარი საქართველოს ევროპული და ევროატლანტიკური ინტეგრაციის მნიშვნელობასაც შეეხო.

შეხვედრისას ფრანსუა ოლანდმა გიორგი კვირიკაშვილს და ქართველ ხალხს დამოუკიდებლობის აღდგენის 25 წლისთავი მიულოცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის