საგარეო საქმეთა მინისტრის მოადგილე გიგი გიგიაძემ შეხვედრები გამართა საქართველოში საფრანგეთის ელჩთან პასკალ მენიესთან, ნიდერლანდების სამეფოს ელჩთან იოს დაუმასთან და გერმანიის ფედერაციული რესპუბლიკის ელჩთან ბეტინა კადენბახთან. შეხვედრების ძირითად მიზანს წარმოადგენდა საქართველო-ევროკავშირის სავიზო რეჟიმის ლიბერალიზაციის პროცესთან დაკავშირებით ინფორმაციის ურთიერთგაცვლა.

შეხვედრებისას საუბარი შეეხო ევროკავშირის საბჭოში საქართველოსთან უვიზო მიმოსვლის რეჟიმის შემოღების შესახებ ამჟამად მიმდინარე განხილვებს.

ელჩებმა პოზიტიურად შეაფასეს მ.წ. 24 მაისს ბრუსელში ევროკავშირის წევრი ქვეყნების მუდმივ წარმომადგენელთა კომიტეტის შეხვედრა, რომლის ფარგლებშიც გაიმართა საქართველოსთან სავიზო რეჟიმის ლიბერალიზაციის საკითხთან დაკავშირებული პირველი განხილვა. აღინიშნა, რომ განხილვებში მონაწილე ყველა მხარე ერთმნიშვნელოვნად აღიარებს საქართველოს მიერ განხორციელებულ წარმატებულ რეფორმებს და მიღწეულ პროგრესს. მუდმივი წარმომადგენლების დონეზე განხილვების დასრულების შემდეგ საკითხი გადაეცემა იუსტიციისა და შინაგან საქმეთა მინისტრების საბჭოს, რომლის მორიგი სხდომა დაგეგმილია მ.წ. 10 ივნისს.

ელჩებმა დაადასტურეს საფრანგეთის, ნიდერლანდებისა და გერმანიის მხრიდან სავიზო რეჟიმის ლიბერალიზაციის საკითხში საქართველოს სრული მხარდაჭერა და აღნიშნეს, რომ მსჯელობა ევროკავშირის წევრ ქვეყნებს შორის საქართველოს საკითხზე დაგეგმილი განრიგის მიხედვის მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის