"ერთიანი ნაციონალური მოძრაობა"  საკრებულოს შუალედური არჩევნების წინასწარ შედეგებს ეხმაურება. როგორც პარტიის ლიდერმა დავით ბაქრაძემ დღევანდელ ბრიფინგზე განაცხადა, არჩევნებმა აჩვენა, რომ  ქართველი  ხალხი ივანიშვილის რეჟიმს უარს ეუბნება:

"მინდა გამოვეხმაურო წინასწარი არჩევნების შედეგებს. მიმაჩნია, რომ ის, რაც გუშინ მოხდა ქართულ პოლიტიკურ ცხოვრებაში იყო ძალიან დიდი შემობრუნების დასაწყისი საქართველოს მომავლისთვის, ვინაიდან გუშინ ქართველმა ხალხმა ძალიან მკაფიოდ უთხრა უარი ივანიშვილის რეჟიმს და უნიათო ხელისუფლებას, რომელმაც თავი ვერაფრით დაამახსოვრა ამ 4 წელიწადში-ვერ გააკეთა ვერც ერთი საქმე; ვერ შეასრულა ვერც ერთი დაპირება და ვერ მოაგვარა ვერც ერთი პრობლემა, რომელიც დღეს აწუხებს ქართველ ხალხს. გუშინ მოხდა ძალიან მნიშვნელოვანი მოვლენა, როდესაც ხელისუფლებამ მიიღო მკაფიო სიგნალი.ხელისუფლება,  რომელიც არ ზრუნავს ხალხზე და არ აწუხებს ხალხის მომავალი, ასეთი საქართველოში დამარცხდება", - განაცხადა დავით ბაქრაძემ.

შეგახსენებთ, ცენტრალური საარჩევნო კომისიის წინასწარი შედეგების მიხედვით, 7 საარჩევნო ოლქში "ქართული ოცნების", 2-ში კი, "ნაციონალური მოძრაობის" კანდიდატებმა გაიმარჯვეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა