ე.წ კაბელების საქმე შესაბამისი მტკიცებულებებით არ დასტურდება, ამიტომ არის უკანონო, უსამართლო და დაუსაბუთებელიც - ამის შესახებ ახალგაზრდა იურისტთა ასოციაციის თავმჯდომარემ ანა ნაცვლიშვილმა ჟურნალისტებს განუცხადა.

როგორც ნაცვლიშვილმა განმარტა, დანაშაულის შემადგენელი ერთ-ერთი ყველაზე მნიშვნელოვანი ელემენტი საქმეში საერთოდ არ არის და აქედან გამომდინარე დანაშაულის დამტკიცებაზე საუბარი ზედმეტია.

"ამ საქმეში დაიკითხა არაერთი მოწმე, არაერთი ექსპერტი. მრავალი წერილობითი მტკიცებულება იყო წარდგენილი. სასამართლო პროცესი 18 თვის განმავლობაში მიმდინარეობდა. მოსამართლეს მხოლოდ 2 დღე დასჭირდა, ამ ძალიან რთული, მრავალტომიანი საქმის შესახებ განაჩენი გამოეტანა. ესეც ბევრ კითხვას აჩენს. გამამტყუნებელი განაჩენი საქართველოს კანონმდებლობის მიხედვით, უტყუარ მტკიცებულებათა ერთობლიობას უნდა ემყარებოდეს და სწორედ ასეთი მტკიცებულებები საქმეში არ არსებობს. განაჩენი არის უკანონო, უსამართლო და დაუსაბუთებელიც. როდესაც განაჩენს წერილობით ჩავიბარებთ, საზოგადოებას დეტალურ სამართლებრივ ანალიზს მივაწვდით", - განაცხადა ნაცვლიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა