სპორტის სასახლეში „ქართული ოცნების“ ყრილობა მიმდინარეობს

2016-05-14 16:32:26, 985 ნახვა

პოლიტიკა

კოალიცია ”ქართული ოცნება-დემოკრატიული საქართველო” რიგით IV ყრილობას მართავს.

ყრილობა საქართველოს ჰიმნით გაიხსნა.

სპორტის სასახლეში აღმასრულებელი და საკანონმდებლო ხელისუფლების, დიპლომატიური კორპუსისა და არასამთავრობო ორგანიზაციების წარმომადგენლები, ასევე ათასობით მხარდამჭერი იმყოფება. ყრილობაზე იმყოფებიან ყოფილი პრემიერ-მინისტრები ბიძინა ივანიშვილი და ირაკლი ღარიბაშვილი.

დღევანდელ ყრილობაზე პარტიის წევრები ახალ თავმჯდომარეს აირჩევენ. ამ პოსტზე პრემიერ-მინისტრი, გიორგი კვირიკაშვილია წარდგენილი. ყრილობა ასევე პარტიის პოლიტსაბჭოს განახლებულ შემადგენლობას აირჩევს და ახალ წესდებას დაამტკიცებს.

სპორტის სასახლის მიმდებარე ტერიტორიაზე საპატრულო პოლიციაა მობილიზებული.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან