27 წლის ნიკოლა ტორპმა, რომელიც სამსახურიდან მაღალქუსლიანი ფეხსაცმლის ტარებაზე უარის გამო გაათავისუფლეს, პეტიცია მოამზადა, რომელსაც 48 საათში უკვე 100 ათასზე მეტი ხელმომწერი ჰყავს, - ამის შესახებ BBC იუწყება.

მედია საშუალების ინფორმაციით, 25 დეკემბერს ტორპი კომპანია Portico- ში დროებით სამსახურში მდივნად მოეწყო, თუმცა უფროსმა უთხრა, რომ ვერ შეუდგებოდა სამუშაოს დაბალქუსლიანი ფეხსაცმლით. ტორპმა უარი განაცხადა 5-10 სანტიმეტრიანი ქუსლის ტარებაზე და იკითხა, აიძულებდნენ თუ არა კომპანიის მამაკაც თანამშრომლებსაც მაღალქუსლიანი ფეხსაცმლის ჩაცმას. უფროსს გაეცინა და გოგონა სამსახურიდან დაითხოვა.

ტორპის განცხადებით, ასეთი საქციელი ქალთა უფლებების დარღვევა და სექსიზმია. მან გადაწყვიტა, მოემზადებინა პეტიცია სამსახურში ქალებისთვის მაღალქუსლიანი ფეხსამლის ტარების აუცილებლობის წინააღმდეგ.

ცნობისთვის, ბრიტანეთის კანონმდებლობით, კომპანიებს უფლება აქვთ, დრეს-კოდი თავად განსაზღვრონ.

პეტიციის შემდეგ, კომპანია Portico-ს წარმომადგენელმა განაცხადა, რომ მათ აზრი შეიცვალეს და ახლა კოლეგა ქალბატონებს უფლება ექნებათ, თავად გადაწყიტონ, ატარონ თუ არა მაღალქუსლიანი ფეხსაცმელი.

კანონმდებლობის ტანახმად თუ პეტიციას საკმარისი ხემლმომწერა ეყოლება პარლამენტმა ის უნდა განიხილოს. ვინაიდან, პეტიციას უკვე 100 ათასზე მეტი ხელმომწერი ჰყავს, ბრიტანეთის პარლამენტი ვალდებულია, ის განიხილოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა