ბერძენიშვილი: თუ უმრავლესობას დავტოვებთ, უმრავლესობა-უმცირესობა გაქრება და კვაჭანტირაძე და ბაქრაძე პოსტებს დატოვებენ

2016-05-10 13:03:22, 589 ნახვა

პოლიტიკა

პარლამენტის ევროინტეგრაციის კომიტეტის თავმჯდომარის ლევან ბერძენიშვილის განცხადებით, თუ „რესპუბლიკური პარტია“ უმრავლესობას დატოვებს, გაქრება როგორც უმრავლესობა, ასევე უმცირესობა და თანამდებობებს ზვიად კვაჭანტირაძე და დავით ბაქრაძე დატოვებენ.

როგორც ბერძენიშვილმა ჟურნალისტებს განუცხადა, პარლამენტში კიდევ ბევრი საინტერესო რამ მოხდება.

„ვიღაცა შეიძლება პარლამენტის თავმჯდომარის გათავისუფლებას შეეცადოს, რასაც ვერ შეძლებს, რადგან პარლამენტის თავმჯდომარე პოსტიდან არ უნდა წავიდეს. მას ამას მისი პარტია სთხოვს. პრეცედენტი იყო, როცა ბურჯანაძე ოპოზიციაში წავიდა, მაგრამ პოსტიდან არ წავიდა. ვფიქრობ, რომ ამ პარლამენტს რამენაირად დავამთავრებთ. ძალიან მინდა, რომ პროცესები მშვიდად წავიდეს და ჩვენი მინისტრები მაშინ გადადგნენ, როცა ამის საჭიროებას „რესპუბლიკური პარტია“ დაინახავს“, - განაცხადა ლევან ბერძენიშვილმა.

ცნობისთვის, უმრავლესობის შესანარჩუნებლად „ქართულ ოცნებას“ 76 დეპუტატი სჭირდება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან