19:16 - 04 Jul, 2026
ჩვენ შესახებ რეკლამა/ხელმოწერა
2016-05-05 18:46:23, 929 ნახვა

სამხედრო
საბრძოლო მედიკოსის ინსტრუქტორის კურსი დასრულდა

ეროვნულ სასწავლო ცენტრ „კრწანისში“ საბრძოლო მედიკოსის ინსტრუქტორის კურსის დასრულების აღსანიშნავად ცერემონიალი გაიმართა. მონაწილეებს კურსის დასრულება გენერალური შტაბის უფროსმა, გენერალ-მაიორმა ვახტანგ კაპანაძემ და სამედიცინო დეპარტამენტის უფროსმა, პოლკოვნიკმა მედეა ბეთაშვილმა მიულოცეს, წარმატებები უსურვეს და ყურადღება საბრძოლო მედიკოსების საქმიანობის განსაკუთრებულ მნიშვნელობაზე გაამახვილეს. 


ცერემონიის დასრულების შემდეგ, გენერალური შტაბის უფროსმა და წვრთნებისა და სამხედრო განათლების სარდალმა კურსდამთავრებულებს სერტიფიკატები გადასცეს. აშშ-ის საბრძოლო სამედიცინო კადრების მობილური სასწავლო ჯგუფის ინსტრუქტორებს კი, მადლობის სერტიფიკატები გადაეცათ.

„საბრძოლო მედიკოსის ინსტრუქტორის“ კურსი ეროვნულ სასწავლო ცენტრ „კრწანისის“ ბაზაზე სამი კვირის განმავლობაში მიმდინარეობდა. კურსის ფარგლებში სამხედრო-სამედიცინო სკოლის პირადი შემადგენლობა და ეროვნული თავდაცვის აკადემიის ორი სამხედრო მოსამსახურე გადამზადდა.

სწავლება მიზნად ისახავდა აშშ-ის საბრძოლო სამედიცინო კადრების მობილური სასწავლო ჯგუფის ინსტრუქტორების მიერ ქართველი ინსტრუქტორებისთვის თეორიული და პრაქტიკული გამოცდილების გაზიარებას, ინსტრუქტორების უნარ-ჩვევების გაუმჯობესებასა და შეფასების სისტემის დახვეწას.

საბრძოლო მედიკოსების ინსტრუქტორების მომზადებასა და სწავლების ჩატარებაში მნიშვნელოვანი როლი ამერიკის შეერთებული შტატების CUBIC-ის მრჩეველთა ჯგუფმა და თავდაცვის სფეროში თანამშრომლობის ოფისმა (ODC) შეასრულეს. სწორედ, მათი აქტიური დახმარებით განხორციელდა აშშ-ის საბრძოლო სამედიცინო კადრების მობილური სასწავლო ჯგუფის ჩამოყვანა საქართველოში და ქართველი ინსტრუქტორების მომზადება.





ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
ALDE-მ საქართველოს შესახებ რეზოლუცია მიიღო
ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება
ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან
უკრაინამ რუსეთის ბალტიის ფლოტს დაარტყა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics