გიორგი კვირიკაშვილი დღეს ევროსაბჭოს საპარლამენტო ასამბლეაზე სიტყვით გამოვა

2016-04-21 09:24:47, 404 ნახვა

პოლიტიკა

საქართველოს პრემიერ-მინისტრი გიორგი კვირიკაშვილი დღეს, ევროსაბჭოს საპარლამენტო ასამბლეის საგაზაფხულო სესიაზე ევროპელ დეპუტატებს სიტყვით მიმართავს.

მთავრობის ადმინისტრაციის პრესსამსახურის ინფორმაციით, პრემიერის გამოსვლის მთავარი თემები ადამიანის უფლებების დაცვის, კანონის უზენაესობის, ინსტიტუციური და დემოკრატიული ინსტიტუტების მშენებლობის კუთხით საქართველოში განხორციელებული რეფორმები იქნება.

გიორგი კვირიკაშვილმა ჟურნალისტებთან საუბრისას აღნიშნა, რომ სათქმელი ბევრი აქვს და მოხარული იქნება, ამის შესახებ ევროპელი მეგობრების წინაშე ისაუბროს. პრემიერ-მინისტრი ასევე მზად არის, ყველა კითხვას უპასუხოს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან