2015-02-20 11:56:22, 706 ნახვა
პოლიტიკა
საქართველოს პრეზიდენტი კიევში „ღირსების მარშში“ მიიღებს მონაწილეობას
საქართველოს პრეზიდენტი სახელმწიფო დელეგაციასთან ერთად კიევს უკრაინის პრეზიდენტის პეტრო პოროშენკოს მიპატიჟებით 22 თებერვალს ეწვევა.
პრეზიდენტის პრესსამსახურის ინფორმაციით, გიორგი მარგველაშვილი „ღირსების მარშში“ მიიღებს მონაწილეობას, რომელსაც სხვა ქვეყნების ლიდერებიც დაესწრებიან.
ცნობისთვის, კიევში ღონისძიებები „ღირსების რევოლუციის“ წლისთავთან დაკავშირებით იმართება. ერთი წლის წინ, უკრაინის დედაქალაქში საპროტესტო გამოსვლების დარბევას 100 დემონსტრანტი და 20 პოლიციელი ემსხვერპლა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
