ადამიანის უფლებათა დაცვის კომიტეტის თავმჯდომარის მოადგილის გედევან ფოფხაძის განცხადებით, პირადი ცხოვრების შემცველ ფარულ ჩანაწერებთან დაკავშირებით, ამ ეტაპზე პროკურატურიდან არავის დაბარების აუცილებლობა არ არსებობს.

უბრალოდ, როგორც ფოფხაძემ ჟურნალისტებს განუმარტა, თუკი რაღაც ეტაპზე პროკურატურა თავად იქნება მზად, პირადი ცხოვრების საიდუმლოებასთან დაკავშირებული ჩანაწერების გავრცელების თაობაზე  მიმდინარე  გამოძიებაზე რაიმე ინფორმაცია მიაწოდოს  პარლამენტს, საკანონმდებლოო ორგანოს შეუძლია,  არასამთავრობო სექტორის მონაწილეობით, მათ დახურული ფორმატი შესთავაზოს. თუმცა, ფოფხაძე ამბობს, რომ ეს ყველაფერი გამოძიების ინტერესებიდან უნდა გამომდინარეობდეს.

„არავის დაბარების აუცილებლობა ამ ეტაპზე არ არსებობს, საუბარია უბრალოდ იმაზე, რომ რაღაცა ეტაპზე, როცა  პროკურატურა თვითონ იქნება მზად პირადი ცხოვრების საიდუმლოებასთან დაკავშირებული ჩანაწერების გავრცელებასთან მიმდინარე  გამოძიებაზე რაიმე ინფორმაცია მიაწოდოს  პარლამენტს, ან საზოგადოებას,  საზოგადოებას ისედაც მიეწოდება გარკვეული ინფორმაცია, მაგრამ შეიძლება  თეორიულად ეს არის მსჯელობის საგანი, შეიძლება  დახურულ ფორმატში პროკურატურის წარმომადგენელმა რაღაც ინფორმაცია მოგვაწოდოს ჩვენ და არასამთავრობო  სექტორს იმიტომ, რომ  საზოგადოებრივი ინტერესი რაღაც დონეზე მაინც იყოს დაკმაყოფილებული. თუმცა, ეს ყველაფერი  უნდა გამომდინარეობდეს გამოძიების ინტერესებიდან იმიტომ, რომ საზოგადოების ცნობისმოყვარეობა ვერ გახდება უფრო მაღალი სიკეთე, ვიდრე  გამოძიების ინტერესები.

თუ პარლამენტი ასეთ ფორმატს რაღაც ეტაპზე შეთავაზებს პროკურატურას და პროკურატურა  მზად იქნება ამისთვის,  ეს ფორმატი მაინც შეიძლება სასარგებლო გახდეს საზოგადოებრივი ინტერესებიდან გამომდინარე“, - განაცხადა გედევან ფოფხაძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება