პარტია "ქართული ოცნება“ საქართველოში ერთადერთი ძალაა, რომელსაც აქვს ძალიან დიდი შანსი და შესაძლებლობა, რომ არჩევნები მოიგოს, - ამის შესახებ საქართველოს ვიცე-პრემიერმა, ენერგეტიკის მინისტრმა კახი კალაძემ ჟურნალისტებს განუცხადა.

"ჩვენ ვატარებთ კვლევებს, რომლებშიც აშკარად ჩანს, რომ "ქართული ოცნება" არის ის გუნდი, რომელსაც აქვს ყველაზე დიდი უპირატესობა", - განაცხადა კალაძემ.

ჟურნალისტის კითხვაზე რამდენად შეასრულა "ქართულმა ოცნებამ" 4 წლის განმავლობაში წინა საარჩევნო დაპირებები, კახი კალაძემ აღნიშნა, რომ „გარკვეული ხარვეზები შესაძლოა არის, მაგრამ ეს, ნორმალური პროცესია“.

"მე ნამდვილად მეამაყება , როგორც საქართველოს რიგით მოქალაქეს, ის რეფორმები, რომლებიც განხორციელდა თუნდაც ჯანდაცვის მიმართულებით, თუნდაც სოფლის მეურნეობის მიმართულებით და ენერგეტიკის სფეროშიც. რა თქმა უნდა შეიძლება ხარვეზები იყო, ეს ნორმალურია. შეუძლებელია, ვინმე გამოვიდეს და ისაუბროს, რომ ყველაფერი კარგად არის, ყველაფერი წარმატებით მიმდინარეობს. ნებისმიერ ადამიანს მოსდის შეცდომები და მითუმეტეს შესაძლებელია, ეს მთავრობას და ხელისუფლებას მოუვიდეს", - განაცხადა კახა კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება