“ბევრი ფული დაიხარჯა არაფერში და  შედეგი ვერ მივიღეთ. დღეს ვდგავართ საჯარო რეესტრში და წინა ხელისუფლების დროს სწრაფად და ღობიდან გადახედვით დარეგისტრირებული მიწების რეგისტრაციებს ვაუქმებთ“,-ამის შესახებ საქართველოს იუსტიციის მინისტრმა თეა წულუიკიანმა ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე განაცხადა, სადაც მიწის რეგისტრაციის რეფორმას წარადგენს.

მინისტრის თქმით, მიწის რეგისტრაციის შესახებ კანონ პროექტი  მესაკუთრის უფლებების დაცვას ემსახურება.

ამასთან, თეა წულუკიანის განმარტებით, მიწის რეგისტრაციის რეფორმის შესახებ, აღმოსავლეთ და დასავლეთ საქართველოს დიდ ქალაქებში, გამგებლების  მონაწილეობით, შეხვედრებს გამართავს:

“ბევრი ფული დაიხარჯა არაფერში და რეალურად შედეგი ვერ მივიღეთ. დღეს ვდგავართ საჯარო რეესტრში და წინა ხელისუფლების დროს სწრაფად და ღობიდან გადახედვით დარეგისტრირებული მიწების რეგისტრაციებს ვაუქმებთ მესაკუთრის უფლებების დასაცავად. ჩვენ ეს არ გვინდა. ამიტომაც ვიფიქრეთ  ამდენი და მოვიტანეთ ის, რაც ვიცით, რომ პრაქტიკაში გაამართლებს. პიარს რაც შეეხება, მე მაქვს ასეთი გეგმა, რომ ორად დავყოთ მუნიციპალიტეტები და პირობითად აღმოსავლეთი და დასავლეთი საქართველო და აღმოსავლეთ საქართველოში 2-3 დიდ ქალაქში მოვაწყოთ შეხვედრა გამგებლების მონაწილეობით და ასევე დასავლეთ საქართველოში 2-3 დიდ ქალაქში ჩემი შეხვედრები მოხდეს გამგებლების,  დაინტერესებული მოქალაქეების მონაწილეობით აპრილი- მაისის თვეებში, რომ გამგებლებს ჰქონდეთ კითხვებზე პასუხები, თუ რას მოიტანს ეს რეფორმა. ამიტომ ვცდილობთ, ასე ვთქვათ, პიარი თუ არ მოდის ჩვენთან, ჩვენ მივიდეთ პიართან“,-განაცხადა თეა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი