2026-05-31 09:21:35, 3234 ნახვა
სპორტი
ხვიჩა კვარაცხელიამ ჩემპიონთა ლიგის ფინალში გამარჯვების შემდეგ პოსტი გამოაქვეყნა
პსჟ-ს ქართველმა თავდამსხმელმა ხვიჩა კვარაცხელიამ ჩემპიონთა ლიგის ფინალში „არსენალთან“ გამარჯვების შემდეგ (1-1, 4-3, პენალტის ზონა) პოსტი გამოაქვეყნა. კვარაცხელიამ მატჩი სასტარტო შემადგენლობაში დაიწყო და 83-ე წუთზე შეცვალეს. ხვიჩა კვარაცხელიამ 62-ე წუთზე პენალტი დაიმსახურა, რომელიც უსმან დემბელემ გაიტანა.
„მეორედ ზედიზედ, ძვირფასო“, - დაწერა კვარაცხელიამ სოციალურ ქსელში პირად გვერდზე, ფოტოსთან ერთად, სადაც თასი უჭირავს ხელში.
პსჟ ისტორიაში მეორე კლუბი გახდა, რომელმაც ჩემპიონთა ლიგა ზედიზედ ორი სეზონის განმავლობაში მოიგო. 2024/25 წლების სეზონში პარიზელებმა ჩემპიონთა ლიგა ფინალში „ინტერთან“ 5-0 გამარჯვებით მოიგეს.
ავტორი: ექსპრესნიუსი,
epn.ge (@expressnews.ge)
