რუსეთის საგარეო საქმეთა სამინისტროს პრეს ატაშემ მარია ზახაროვამ კომენტარი გააკეთა მოსკოვის ურთიერთობებზე საქართველოს ოკუპირებულ რეგიონებთან. მისი თქმით, სოხუმი და ცხინვალი კვლავ „რუსეთის უახლოეს მოკავშირეებად რჩებიან სამხრეთ კავკასიაში“.

„საერთო ისტორიული წარსული, საერთო კულტურული და მორალური ღირებულებები და საერთაშორისო და რეგიონული საკითხებისადმი საერთო მიდგომები განსაზღვრავს ჩვენს ქვეყნებს შორის მჭიდრო თანამშრომლობას დღეს“. „პრიორიტეტულ ამოცანებად რჩება რესპუბლიკების სუვერენიტეტის საიმედო დაცვის უზრუნველყოფა, მათი განვითარების ხელშეწყობა და საგარეო პოლიტიკური პოზიციების განმტკიცება, ასევე ვაჭრობის, ინვესტიციების და ჰუმანიტარული თანამშრომლობისა და ურთიერთქმედების გაფართოება“, - განაცხადა რუსეთის საგარეო საქმეთა სამინისტროს პრესსპიკერმა.

მან ასევე დასძინა, რომ მხარეები გააგრძელებენ „ერთად სვლას საერთო უსაფრთხოების კონტურებისა და სოციალურ-ეკონომიკური სივრცეების ფორმირებისკენ“. ამ კონტექსტში ზახაროვამ ახსენა „ხელშეკრულება მოკავშირეთა თანამშრომლობის გაღრმავებისა და სხვა საერთაშორისო სამართლებრივი აქტების შესახებ“, რომელსაც ხელი მოაწერეს რუსეთის პრეზიდენტმა და სამხრეთ ოსეთის დე ფაქტო ლიდერმა 9 მაისს.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა