ფინანსთა სამინისტროს საგამოძიებო სამსახურის ერთ-ერთი დეპარტამენტის უფროსის, ასევე „ქართუ ჯგუფის“ საზოგადოებასთან ურთიერთობის ყოფილი ხელმძღვანელის, გიორგი უძილაურას საქმეს გრიფი „სრულიად საიდუმლო“ ადევს. ამის შესახებ ჟურნალისტებს ბექა გულედანას ადვოკატმა აცნობა. ამასობაში, ჯაშუშობაში ბრალდებული პირი თავს დამნაშავედ არ ცნობს.

„ბრალდებული დუმილის უფლებას იყენებს. ეს ნიშნავს, რომ ის თავს უდანაშაულოდ ცნობს. საქმის შესახებ დეტალებს ვერ გეტყვით“, - განაცხადა ბექა გულედანიმ.

შეგახსენებთ, რომ გიორგი უძილაური 5 მაისს დააკავეს. პროკურატურის ცნობით, სახელმწიფო უსაფრთხოების სამსახურის კონტრდაზვერვის დეპარტამენტის მიერ ჩატარებული გამოძიების შედეგად დადგინდა, რომ ერთ-ერთი სახელმწიფო უწყების მაღალჩინოსანი, მატერიალური სარგებლის მიღების მიზნით და საქართველოს ინტერესების საზიანოდ, უცხო სახელმწიფოს დაზვერვის სამსახურის მოთხოვნით სისტემატურად აგროვებდა და გადასცემდა სხვადასხვა ინფორმაციას და სხვადასხვა კატეგორიის ინფორმაციას.

მას ბრალი წაუყენეს საქართველოს სისხლის სამართლის კოდექსის 314-ე მუხლით (ჯაშუშობა), რაც 12 წლამდე თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა

პოლიცია მატარებლებშიც იქნება

ივანიშვილის რეჟიმი ინგლისურ ენას ბავშვებს პირველი კლასიდან აღარ ასწავლის

ევროპის სახალხო პარტია: ჩვენ ყოველთვის საქართველოს ხალხის მხარეს ვართ