2016-04-01 13:19:33, 625 ნახვა
საზოგადოება
შსს-ს მომსახურების სააგენტოს გაეროს წარმომადგენლები ესტუმრნენ
შინაგან საქმეთა სამინისტროს მომსახურების სააგენტოს გაერთიანებული ერების ორგანიზაციაში შემავალი ქვეყნების მუდმივ წარმომადგენელთა დელეგაცია ეწვია.
სტუმრებს მომსახურების სააგენტოს დირექტორის მოადგილემ ლევან ჭაბუკიანმა უმასპინძლა.
შსს-ს ინფორმაციით, გაეროს წარმომადგენლებმა სააგენტოს სარეგისტრაციო დარბაზი დაათვალიერეს, სერვისების შესახებ ამომწურავი ინფორმაცია მიიღეს და მართვის მოწმობის თეორიული და პრაქტიკული გამოცდის პროცესს დაესწრნენ.
დელეგაციის წევრებმა პრაქტიკული გამოცდის ავტომობილით საგამოცდო მოედანზე თავად გაიარეს. ვიზიტის ბოლოს, უცხოელ სტუმრებს სააგენტოსგან საჩუქრად სახელობითი სახელმწიფო სანომრე ნიშნები გადაეცათ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
