„ქართული ოცნების“ წევრმა ლევან მაჭავარიანმა კომენტარი გააკეთა უნგრეთის არჩევნებში გამარჯვებული პარტიის ლიდერის, პეტერ მაჯიარის მიერ საქართველოსთან დაკავშირებით გაკეთებულ განცხადებაზე და აღნიშნა, რომ ეს მისასალმებელია.

პარლამენტარმა განაცხადა, რომ ოპტიმისტურად არის განწყობილი, რომ ეს ურთიერთობები იმავე დონეზე გაგრძელდება, როგორც ვიქტორ ორბანის დროს იყო, რომელიც მალე დატოვებს უნგრეთის პრემიერ-მინისტრის თანამდებობას.

მაჭავარიანმა „ტიზას“ პარტიას საპარლამენტო არჩევნებში გამარჯვება მიულოცა.

„ვულოცავთ ბატონ მადიარს გამარჯვებას. ეს არის უნგრეთის ხალხის გადაწყვეტილება და ჩვენ, რა თქმა უნდა, პატივს ვცემთ მას.

ბატონ ორბანთან დაკავშირებით, შემიძლია ვთქვა, რომ ჩვენ ნამდვილად მადლიერები ვართ მისი და მისი მთავრობის იმ პარტნიორობისთვის, რომელიც მათ მრავალი წლის განმავლობაში გაუწიეს საქართველოს. ვიმედოვნებთ, რომ მსგავსი ურთიერთობები გაგრძელდება ახალ მთავრობასთანაც.

ჩვენ მოვისმინეთ ბატონი მადიარის პირველი კომენტარი. მან ასევე გააკეთა განცხადება საქართველოსთან დაკავშირებით, რაც, რა თქმა უნდა, მისასალმებელია. „ჩვენ ოპტიმისტურად ვართ განწყობილნი, რომ ეს ურთიერთობები გაგრძელდება იმავე დონეზე, როგორც ბატონი ორბანის დროს იყო“, - განაცხადა მაჭავარიანმა.

შეგახსენებთ, რომ უნგრეთის საპარლამენტო არჩევნებში გამარჯვებული „ტიზას“ პარტიის ლიდერმა, პეტერ მადიარმა, განაცხადა, რომ გააგრძელებს საქართველოსთან ურთიერთობების გაღრმავებას, სიამოვნებით ეწვევა თბილისს და ხაზგასმით აღნიშნა, რომ უნგრეთი არ ჩაერევა არცერთი ქვეყნის შიდა საქმეებში.

ავტორი: ექსპრესნიუსი,

სოციალური ქსელები

ტრამპი ხამენეის დაკრძალვაზე: ჩვენ შეგვიძლია ყველა ერთი დარტყმით გავანადგუროთ

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება