ლევან ჯანგველაძის მკვლელობის საქმეზე მსჯავრდებულმა გელა უძილაურმა სასამართლოში განაცხადა, რომ მასთან ციხეში გამომძიებლები შევიდნენ და შეღავათების სანაცვლოდ ძმებ მიქაძეებისა და გიორგი ჯოხაძის მკვლელობის დამკვეთებად დასახელება შესთავაზეს. 

​გელა უძილაურის განცხადებით, აღნიშნული საქმის ერთადერთი დამნაშავე თავად არის. 

ერთადერთი დამნაშავე მე ვარ ამ საქმის. ციხეში შემოვიდნენ გამომძიებლები იოსებ სიგუა, გიორგი ავალიშვილი და მთავაზობდნენ, თუ ძმებ მიქაძეებს და გიორგი ჯოხაძეს მკვლელობის დამკვეთებად და ორგანიზატორებად დავასახელებდი შეღავათებსაც მივიღებდი," - თქვა გელა უძილაურმა სასამართლოში. 

შეგახსენებთ, რომ ლევან ჯანგველაძის მკვლელობის საქმეზე, თბილისის საქალაქო სასამართლოში, ცალკე წარმოებად გამოყოფილ პროცესზე მსჯავრდებული გელა უძიალაური იკითხება. 

• ცნობისთვის, ე.წ. კანონიერი ქურდის ძმა, ლევან ჯანგველაძე ჭავჭავაძის გამზირზე 14 მარტს ჩაცხრილეს. მომხდარზე პოლიციამ 17 მარტს გელა უძილაური დააკავა. მას სასამართლომ უვადო პატირმობა უკვე მიუსაჯა. 

ჯანგველაძის მკვლელობის საქმეზე 12 აგვისტოს შსს-მ 3 პირი დააკავა - გიორგი მიქაძე, გიორგი კაჭკაჭიშვილი და მამუკა ბაღდავაძე. მათთან ერთად დაუწრებლად წარეგინათ ბრალი დავით მიქაძეს და გიორგი ჯოხაძეს. ძმები მიქაძეები ოთარ ფარცხალაძის გარემოცვის წევრები არიან. ამავე საქმეზე ბრალდებულია თავად ოთარ რომანოვ ფარცხალაძე, რომელზეც ძებნაა გამოცხადებული. 

ავტორი: ექსპრესნიუსი,

სოციალური ქსელები

„ახლა ჩვენი ჯერია“: ბაიდენმა ამერიკული გზის დაუმთავრებელ ბუნებაზე ისაუბრა

ტრამპი ხამენეის დაკრძალვაზე: ჩვენ შეგვიძლია ყველა ერთი დარტყმით გავანადგუროთ

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო