მაღალი შესრულება, იმპულსური დიზაინი და ინოვაციური ტექნოლოგიები - ეს ის მახასიათებლებია, რომლებსაც Porsche-ს ისტორიაში ყველაზე მძლავრი სერიული მოდელი - ახალი, სრულად ელექტრული Porsche Cayenne აერთიანებს. გერმანული ბრენდის ავტომობილი, რომლის გლობალური გაყიდვები მიმდინარე წლის მაისის ბოლოს დაიწყება, „პორშე ცენტრი თბილისის“ შოურუმში უკვე ხელმისაწვდომია - მომხმარებლები უახლესი მოდელის ექსკლუზიურად ხილვას 31 იანვრამდე შეძლებენ.

თამარ ხოსროშვილი, „პორშე ცენტრი თბილისის“ მარკეტინგის ხელმძღვანელი: „მოხარულები ვართ, რომ შესაძლებლობა მოგვეცა, Porsche-ს რიგით მეორე, სრულად ელექტრული SUV Cayenne Electric გაყიდვების ოფიციალურ დაწყებამდე 4 თვით ადრე, ექსკლუზიურად Porsche-ს ქართველ ენთუზიასტებს წარვუდგინოთ. ჩვენთვის ძალიან საამაყოა, რომ საქართველო იმ ქვეყნებს შორის აღმოჩნდა, რომლებმაც მომხმარებლებს უნიკალური შესაძლებლობა მისცეს, ავტომობილი თავად გამოცადონ და მის მახასიათებლებს დეტალურად გაეცნონ. ამ პერიოდის განმავლობაში ჩვენი შოურუმი სპეციალურად ამ მოდელის შესაბამისად იქნება გაფორმებული, რათა ავტომოყვარულებმა ექსკლუზიური გამოცდილება მიიღონ და სრულად შეიგრძნონ Cayenne Electric-ის ხასიათი და ინოვაციურობა“.

ახალი Cayenne უახლესი ტექნოლოგიებითა და დახვეწილი ინტერიერით გამოირჩევა, რომელიც ბრენდის სხვა მოდელებისგან განსხვავდება. აქ Porsche-ს ტრადიციული დნმ ინოვაციურ ტექნოლოგიებსა და ეკომეგობრულობას ერწყმის. ავტომობილი Porsche-ს ელექტრომობილების უახლეს არქიტექტურულ ბაზაზეა შექმნილი და სპორტული SUV-ს ბაზარზე ახალ სტანდარტს ამკვიდრებს, როგორც ვიზუალური, ისე კომფორტისა და ტექნიკური მახასიათებლების თვალსაზრისითაც:

• სიმძლავრე: 1,156 ცხ.ძ
• ⁠აჩქარება: 0-დან 100 კმ/სთ-მდე - 2.5 წმ
• მაქსიმალური სიჩქარე: 260 კმ/სთ
• ერთი დამუხტვით გაივლის 642 კილომეტრს
• დამუხტვის სიმძლავრე 400 კვტ-მდე, 10-დან 80%-მდე დამუხტვის დრო - 16 წუთი

ახალი Cayenne Electric არა მხოლოდ სპორტულობასა და ექსკლუზიურობას აერთიანებს, არამედ ხაზს უსვამს Porsche-ს ერთგულებას მდგრადი მობილობისადმი. ახალი მოდელის წინასწარი შეკვეთები საქართველოში უკვე დაწყებულია. მომხმარებლებს კი, რომლებსაც ავტომობილის გაცნობა სურთ, 26-31 იანვარს შესაძლებლობა აქვთ, „პორშე ცენტრი თბილისის“ შოურუმს ეწვიონ.

„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია პორშე ცენტრი თბილისი ქართულ ბაზარზე 2011 წლიდან ოპერირებს. კომპანია მომხმარებელს პრემიუმ ბრენდის უახლეს ავტომობილებს, ასევე სრულ სადიაგნოსტიკო და სარემონტო მომსახურებას, ორიგინალ ნაწილებს და აქსესუარებს სთავაზობს. შოურუმის გარდა, მომხმარებელს შესაძლებლობა აქვს, კომპანიის ვებგვერდზე კონფიგურატორის დახმარებით, სასურველი კომპლექტაციის მოდელი საკუთარი გემოვნებით ააწყოს, რომლის ჩამოყვანასაც ,,პორშე ცენტრი თბილისი“ უზრუნველყოფს.

ავტორი: R (რეკლამა),

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა