თბილისის სახელმწიფო უნივერსიტეტის რექტორის გადადგომის მოთხოვნით,  უნივერსიტეტის  სტუდენტური თვითმმართველების წარმომადგენლები დღეიდან შიმშილობას იწყებენ.

ამის შესახებ "ექსპრესნიუსს" თსუ-ს თვითმმართველობის პრეზიდენტმა  შალვა საბაურმა განუცხადა.

მისივე თქმით, ლადო პაპავა  უნივერსიტეტში ე.წ. ოდეერის სამსახურს მფარველობდა. 

თსუ-ის თვითმმართველობის წარმომადგენლები საკუთარ  მოთხოვნებს დღეს  მეორე კორპუსში საგანგებო პრესკონფერენციაზე გააჟღერებენ:

"პირველ საათზე გაიმართება ბრიფინგი თბილისის სახელმწიფო უნივერსიტეტის მე-2 კორპუსის ფოიეში ჩვენს მოთხოვნასთან დაკავშირებით. ძალოვანი უწყების ძალიან ბევრმა წარმომადგენელმა უნივერსიტეტში საქმიანობა პაპავას რექტორობის პერიოდში დაიწყო. აშკარად იკვეთება მფარველობა. ძველი - შევარდნაძის დროინდელი უშიშროების  სამინისტროს უამრავი კადრია, პოლიციის  პოლკოვნიკები და ა.შ. ერთმა დატოვა თანამდებობა, წავიდა უნივერსიტეტიდან, დანარჩენები კიდევ არიან. რამდენიმე ადამიანი იწყებს შიმშილობას და შემდეგ მიემატებიან", - განაცხადა შალვა საბაურმა და დასძინა, რომ ამ ეტაპზე შიმშილობის დაწყებას თავად არ აპირებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს