ბელგიელი სამართალდამცველები ბრიუსელის ტერაქტების სავარაუდო ორგანიზატორს, მუჰამედ აბრინის ეძებენ

2016-03-24 12:01:33, 1292 ნახვა

მსოფლიო

ბელგიელი სამართალდამცველები ბრიუსელის ტერაქტების სავარაუდო ორგანიზატორს, 31 წლის მუჰამედ აბრინის ეძებენ.

გამოძიების ინფორმაციით, წარმოშობით მაროკოელი, ბელგიის მოქალაქე მუჰამედ აბრინი ერთ-ერთი მთავარი როლის შემსრულებელი იყო 13 ნოემბრის პარიზის ტერაქტის დაგეგმვაში.

აბრინი პარიზის თავდასხმების გადარჩენილი მონაწილის სალეჰ აბდესლამის ბავშვობის მეგობარია.

2015 წლის 10-11 ნოემბერს მუჰამედ აბრინი ძმებ სალაჰ და ბრაჰიმ აბდესლამებთან ერთად პარიზში ჩავიდა, სადაც 13 ნოემბრის თავდასხმების მონაწილეებისათვის ბინა იქირავა.მუჰამედ აბრინი და სალეჰ აბდესლამი ჩრდილოეთ საფრანგეთში, ერთ-ერთ სადგურში გარესათვალთვალო კამერებმა დააფიქსირეს.

ამ დროისთვის გამოძიება არ ფლობს ინფორმაციას, მონაწილეობდა თუ არა აბრინი უშუალოდ ტერაქტებში. მისი ოჯახის წევრების მტკიცებით, 13 ნოემბრის ღამით, ის ბრიუსელში საკუთარ სახლში იმყოფებოდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან