საქართველოს პრეზიდენტის ინიციატივით პროექტი „მე და კონსტიტუცია" საქართველოს სხვადასხვა რეგიონში გრძელდება. დღეს კონკურსის მეორე ტური ქალაქ ზუგდიდში ჩატარდა, სადაც მონაწილეობას სამეგრელოს საჯარო სკოლების გარდა ზემოსვანეთისა და აფხაზეთის სკოლის მოსწავლეებიც იღებდნენ.

პროექტი საქართველოს პრეზიდენტის სარეზერვო ფონდის მხარდაჭერით და ორგანიზაცია „დემოკრატიის ლაბორატორიის" ორგანიზებით ხორციელდება.

კონკურსის პირველ ტურში გამარჯვებული გუნდების დღეს გამართულ თამაშს, საქართველოს პრეზიდენტის მრჩეველი ადამიანის უფლებების დაცვის საკითხებში კახა კოჟორიძე დაესწრო და კონკურსანტებს სიტყვით მიმართა. კახა კოჟორიძემ სკოლებში კონსტიტუციის სწავლის საჭიროებასა და პროექტის მნიშვნელობაზე გაამახვილა ყურადღება.

„ პროექტი, რომელიც  საქართველოს პრეზიდენტის ინიციატივით და საქართველოს პრეზიდენტის სარეზერვო ფონდის მხარდაჭერით ხორციელდება, მიზნად ისახავს ახალგაზრდა თაობაში საქართველოს კონსტიტუციის ცოდნის დონის ამაღლებას და უკეთ გაცნობას. სამომავლოდ  ახალგაზრდებს ექნებათ შესაძლებლობა მიიღონ პასუხები ისეთ საკითხებზე, რომლებზეც დღეს ხშირად ვდაობთ და ვკამათობთ. იმედი მაქვს, რომ ეს პრობლემა ახალ თაობას აღარ ექნება,  უკეთ გაიაზრებენ თავიანთ უფლებებსა და ეცოდინებათ სხვისი უფლებების დაცვა და პატივისცემა",- აღნიშნა საქართველოს პრეზიდენტის მრჩეველმა.

მეორე ტურის დღევანდელ თამაშში სკოლის მოსწავლეებისგან შემდგარი გუნდები ბრეინ რინგის პრინციპით ეჯიბრებოდნენ ერთმანეთს კონსტიტუციის ცოდნაში. კონკურსის მესამე ეტაპზე ქალაქ წალენჯიხის მე-5 საჯარო სკოლის გუნდი გადავიდა.

პროექტის ფინალურ ეტაპზე სამი გამარჯვებული გამოვლინდება. პირველი ადგილის მფლობელი გუნდი პარიზსა და სტრასბურგში გაემგზავრება, მეორე და მესამე ადგილის მფლობელებს საჩუქრად ნოუთბუქები და პლანშეტური კომპიუტერები გადაეცემათ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სასამართლოს კანცელარიის დაცვის მცდელობის საქმეზე ალეკო ელისაშვილს 13-წლიანი პატიმრობა მიესაჯა

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში