აშშ-ში იმპორტირებულ ფოლადსა და ალუმინზე გაორმაგებული ტარიფები ძალაში შევიდა, - ინფორმაციას Reuters-ი ავრცელებს.

ტრამპმა გუშინ ხელი მოაწერა აღმასრულებელ ბრძანებას, რომლის თანახმადაც, ფოლადისა და ალუმინის იმპორტზე ტარიფები 25%-დან 50%-მდე იზრდება.

„ჩვენ დავიწყეთ 25-დან და შემდეგ, მონაცემების უკეთ შესწავლის შემდეგ, მივხვდით, რომ მეტი დახმარებაა საჭირო. სწორედ ამიტომ 50-იანი ტარიფები იწყება“, - განაცხადა თეთრი სახლის მრჩეველმა ეკონომიკურ საკითხებში, კევინ ჰასეტმა.

ზრდა ყველა სავაჭრო პარტნიორს ეხება, გაერთიანებული სამეფოს გარდა, რომელმაც აშშ-სთან სავაჭრო შეთანხმება დადო და დიდი ბრიტანეთიდან აშშ-ში ფოლადისა და ალუმინის იმპორტის განაკვეთი მინიმუმ 9 ივლისამდე 25%-ზე დარჩება.

Reuters-ი წერს, რომ აშშ-ში გამოყენებული ფოლადის დაახლოებით მეოთხედი იმპორტირებულია და აღწერის ბიუროს მონაცემები აჩვენებს, რომ გაზრდილი გადასახადები განსაკუთრებით მძიმე დარტყმას მიაყენებს აშშ-ის უახლოეს სავაჭრო პარტნიორებს - კანადასა და მექსიკას.

ავტორი: ექსპრესნიუსი,

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა