ნიკა მელიას საქმე დასტურია იმისა, რომ ბიძინა ივანიშვილს თავისუფლებაზე მყოფი პოლიტიკური ლიდერების ეშინია - ჩვენი მიზანია, რაც შეიძლება მეტად გავურთულოთ ივანიშვილს ცხოვრება! - ამის შესახებ “ლელო-ძლიერი საქართველოს“ გენერალურმა მდივანმა ირაკლი კუპრაძემ განაცხადა.

კუპრაძემ ამავე კონტექსტში აღნიშნა, რომ პოლიტიკოსები საჭირო არიან ბრძოლის ველზე, გარეთ, მოქალაქეებთან ერთად წინააღმდეგობის პროცესში.

„ფაქტობრივი მოცემულობაა, რომ ბიძინა ივანიშვილი პოლიტიკური დევნის განსხვავებულ და განსაკუთრებულ ეტაპზეა გადასული. სწორედ ამაზე მიუთითებს ნიკა მელიას საქმე, რომელიც ქუჩიდან გაიტაცეს მაშინ, როცა გირაოს გადახდის ვადა ჯერ კიდევ დარჩენილი ჰქონდა.

ეს არის დასტური იმისა, რომ ბიძინა ივანიშვილს თავისუფლებაზე მყოფი პოლიტიკური ლიდერების ეშინია. ჩვენი მიზანია, რაც შეიძლება მეტად გავურთულოთ ივანიშვილს ცხოვრება, მათ შორის პოლიტიკური ლიდერები გათავისუფლდნენ მალე, რადგან ისინი საჭირო არიან ბრძოლის ველზე, გარეთ, მოქალაქეებთან, წინააღმდეგობის პროცესში, რომელიც პროდასავლურმა ოპოზიციამ უნდა აწარმოოს“, - განაცხადა ირაკლი კუპრაძემ.

ამასთან, ირაკლი კუპრაძემ ასევე კომენტარი გააკეთა გათავისუფლებულ საჯარო მოხელეებზე. მისი თქმით, პროდასავლურ ოპოზიციურ პარტიებს შორის უნდა შედგეს შეთანხმება, რომლის მიხედვით, სახელისუფლო ცვლილების შემდეგ სამსახურიდან გათავისუფლებული თითოეული საჯარო მოხელე საკუთარ პოზიციას დაუბრუნდება.

მისივე თქმით, ყველა ის თანამდებობის პირი უნდა დაისაჯოს, ვინც საჯარო მოხელეების სამსახურიდან გათავისუფლების, დევნის ბრძანებებს გასცემდა და აღასრულებდა მას.

„ხელისუფლებას, რომელსაც არაფერი დარჩენია ძალადობის, რეპრესიების და საჯარო მოხელეების სამსახურიდან გათავისუფლების გარდა, პასუხს აუცილებლად აგებს.

პირველადი შეთანხმება, რაც პროდასავლურ ოპოზიციურ პარტიებს შორის უნდა არსებობდეს, არის ის, რომ სამსახურიდან გათავისუფლებული თითოეული საჯარო მოხელე პირველად პოზიციაზე, სადაც ის მუშაობდა, აუცილებლად დაბრუნდება და ჩვენი ხელისუფლების პირობებში სამართლიანობა აღდგება.

ეს ის დაპირებაა, რასაც ვერც ერთი პოლიტიკური პარტია ვერ გავექცევით“, - აცხადებს ირაკლი კუპრაძე.

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე