ევროპის საბჭოს მინისტრთა კომიტეტმა უკრაინის წინააღმდეგ რუსეთის აგრესიის დანაშაულისთვის სპეციალური ტრიბუნალის შექმნის პროცესი დაიწყო. ინფორმაციას ევროპის საბჭოს პრესსამსახური ავრცელებს.

მათივე ინფორმაციით, გადაწყვეტილება დღეს, ლუქსემბურგში გამართულ შეხვედრაზე მიიღეს.

„ევროპის საბჭოს მინისტრთა კომიტეტმა დღეს დაადასტურა უკრაინისადმი ურყევი ერთგულება სამართლიანობისა და რეკონსტრუქციის გზაზე, აგრესიის დანაშაულისთვის სპეციალური ტრიბუნალის შექმნის პროცესის დაწყებით“, - აღნიშნულია ინფორმაციაში.

ევროპის საბჭოში აცხადებენ, რომ ყოველწლიურ შეხვედრაზე მინისტრებმა გენერალურ მდივან ალენ ბერსეს დაავალეს ევროსაბჭოს ფარგლებში აგრესიის დანაშაულისთვის სპეციალური ტრიბუნალის შექმნის პროცესის ხელმძღვანელობა, უკრაინასთან შეთანხმების საშუალებით.

„მინისტრები მიესალმნენ უკრაინისთვის სარჩელების კომისიის შექმნის შესახებ შეთანხმების მიღწევისკენ მიმართულ მიმდინარე ძალისხმევას და კიდევ ერთხელ დაადასტურეს თავიანთი გადაწყვეტილება, უზრუნველყონ რუსეთის მიერ უკანონოდ დეპორტირებული ან იძულებით გადაყვანილი უკრაინელი ბავშვების დაბრუნება. მათ ასევე ხაზი გაუსვეს უკრაინისთვის მხარდაჭერის გაძლიერების მნიშვნელობას, კერძოდ, „მდგრადობა, აღდგენა და რეკონსტრუქცია 2023-2026“ სამოქმედო გეგმის მეშვეობით, რომელიც უკრაინის ხელისუფლებას საშუალებას აძლევს, ევროკავშირში გაწევრიანების გზაზე კიდევ უფრო წინ წაიწიოს“, - აღნიშნულია ინფორმაციაში.

ავტორი: ექსპრესნიუსი,

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს