პარლამენტის თავმჯდომარე შალვა პაპუაშვილმა პარლამენტის აპარატში რეორგანიზაცია გამოაცხადა. პარლამენტის აპარატის რეორგანიზაციის შედეგად მისი სტრუქტურა და საშტატო ნუსხა შეიცვლება.

რეორგანიზაციის თაობაზე ბრძანება სახელწოდებით - “პარლამენტის აპარატის ზოგიერთ სტრუქტურულ ერთეულში რეორგანიზაციის განხორციელების შესახებ“ პაპუაშვილმა უკვე გამოსცა.

,,ექსპრესნიუსის" ინფორმაციით, პარლამენტიდან ე.წ ძველი კადრების გაშვება იგეგმება, რომლებიც ჯერ კიდევ ,,ნაციონალური მოძრაობის" ხელისუფლებაში ყოფნის დროიდან მოყოლებული მუშაობენ საკანონმდებლო ორგანოში.

ბრძანების მიხედვით, რეორგანიზაცია პარლამენტის აპარატის შემდეგ სტრუქტურულ ერთეულებში დაიწყო: - ადამიანური რესურსებისა და ინსტიტუციური განვითარების დეპარტამენტი; ინფორმაციული ტექნოლოგიებისა და ტელეკომუნიკაციების დეპარტამენტი; იურიდიული დეპარტამენტი; საერთაშორისო ურთიერთობათა დეპარტამენტი; საზოგადოებასთან ურთიერთობისა და ინფორმაციის დეპარტამენტი; სამეურნეო უზრუნველყოფის დეპარტამენტი; საორგანიზაციო დეპარტამენტი; საფინანსო უზრუნველყოფის დეპარტამენტი; საქმისწარმოების დეპარტამენტი; მანდატურის სამსახური; პარლამენტის საბიუჯეტო ოფისი.

რეორგანიზაციის განხორციელებაზე პასუხისმგებელ პირად პარლამენტის აპარატის უფროსი კახა ოქროჯანაშვილი განისაზღვრა.

ერთ-ერთი პირველი კანონი, რაც “ქართული ოცნების“ ინიციატივით XI მოწვევის პარლამენტში მიიღეს, საჯარო სამსახურებში რეორგანიზაციის განხორციელებას ეხება. “საჯარო სამსახურის შესახებ“ კანონში რამდენიმე მუხლი შეიცვალა და შედეგად რეორგანიზაციის ჩატარების პროცესი გამარტივდა. იმავდროულად, ცვლილებები პარლამენტის რეგლამენტშიც აისახა, რომლის მიხედვით, იმ შემთხვევაში, თუ პარლამენტის აპარატის საპენსიო ასაკის მქონე თანამშრომელი სამსახურიდან ნებაყოფლობით - პირადი განცხადების საფუძველზე წავა, ერთჯერად კომპენსაციას მიიღებს.

შალვა პაპუაშვილმა პარლამენტში რეორგანიზაცია 3 აპრილს გამოაცხადა. მისი მიერ ხელმოწერილი დოკუმენტი გამოცხადების დღიდან ძალაშია.

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი