არანაირ საარჩევნო პროცესში მონაწილეობას აზრი არ აქვს და ვერც ექნება, – ამის შესახებ „ნაციონალური მოძრაობის“ წევრმა, ირაკლი ფავლენიშვილმა განაცხადა.

ფავლენიშვილმა შესაბამის კითხვაზე საპასუხოდ აღნიშნა, რომ „ნაციონალური მოძრაობა“ თვითმმართველობის არჩევნებში მონაწილეობას არ აპირებს.

„საქართველო აღარ არის ოფიციალური საარჩევნო დემოკრატია, მათ შორის ბოლო პერიოდში მიიღეს ისეთი კანონები, როგორც ასეთი, დამკვირვებლის ინსტიტუტსაც კი კრძალავს ქვეყანაში. ამიტომაც, არანაირ საარჩევნო პროცესში მონაწილეობას აზრი არ აქვს და ვერც ექნება. ეს ხალხი აპირებს ყველა რეალური ოპოზიციური პოლიტიკური პარტიის გაუქმებას, მხოლოდ სისტემური ოპოზიციური პარტიის დატოვებას. ამიტომაც, ეს საკითხი არ მგონია, აქტუალური იყოს. ისედაც ყველამ ვიცით, რომელ პოლიტიკურ ჯგუფებს შორის არსებობს არამკაფიო პასუხი ამ საკითხზე“, – განაცხადა ირაკლი ფავლენიშვილმა.

ამასთან, ირაკლი ფავლენიშვილის განცხადებით, ქუჩის პროტესტის გარდა, სხვა გზა აღარ რჩება.

„ზოგადად, ოპოზიციას რაც შეეხება, თვალი უნდა გავუსწოროთ სიმართლეს, ქვეყანაში არ არსებობს რაღაც ნახევრად დემოკრატიული პროცესიც, რაც აქამდე მაინც იყო. ახლა ეგ მოცემულობაც აღარ არის. ქვეყანაში პოლიტიკურ პარტიებს აუქმებენ, თავისუფალ მედიასაშუალებებს ხურავენ, არასამთავრობო ორგანიზაციებს ბოლომდე ანადგურებენ და ამ პერიოდში უბრალოდ ადგილი ვერ ექნება საუბარს რაღაც გეგმებზე, გარდა ქუჩის წინააღმდეგობისა და ეროვნული წინააღმდეგობისა. ქვეყანაში კანონი როცა აღარ კანონობს, სამართალი აღარ არსებობს, რადგან კონსტიტუციას პირველი არღვევს ე.წ. ხელისუფლება, რა თქმა უნდა, ქუჩის პროტესტის გარდა, სხვა გზა აღარ რჩება“, – განაცხადა ირაკლი ფავლენიშვილმა.

ავტორი: ექსპრესნიუსი,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება