ნუ იმალებით ერეკლეს პორტრეტის უკან! რა საერთო გაქვთ მასთან?! ერეკლე მტერს ებრძოდა - ქვეყანას იცავდა, თქვენ კი მტერს ემსახურებით და მარტოს, დაუცველს ტოვებთ საქართველოს! - ამის შესახებ „სტრატეგია აღმაშენებლის” გენერალურმა მდივანმა, პაატა მანჯგალაძემ განაცხადა, რითაც „ქართული ოცნების” წარმომადგენლებს მიმართავს.

მისივე თქმით, „ქართული ოცნების“ წარმომადგენლებს „გეორგიევსკის ტრაქტატის” „შინაარსი და მისი შედეგები უყვართ და არა ერეკლე II“.

„თქვენ ერეკლე კი არა - „გეორგიევსკის ტრაქტატი” გიყვართ… და განსაკუთრებით ის, რაც ამ ტრაქტატს მოჰყვა: ქართლისა და კახეთის გაუქმება, მეფობის მოსპობა, ეკლესიის ავტოკეფალიის გაუქმება, პატრიარქის გადაყვანა რუსეთში, ტაძრების გადაღებვა, ქართული ენის განდევნა, ქვეყნის ოკუპაცია და დასჯა ყველა მცდელობისთვის, რომ თავი რუსულ უღელს დაეღწია!

სხვათა შორის, კომუნისტებიც ზარ-ზეიმით ზეიმობდნენ, ამ ტრაქტატის წლისთავებს. რატომ? - იმიტომ, რომ მათთვისაც ის იყო დამორჩილების, მონობის და საქართველოს რუსეთთან მარტოდ დატოვების სიმბოლო”, - განაცხადა პაატა მანჯგალაძემ.

ავტორი: ექსპრესნიუსი,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება