უკრაინა არ მიიღებს რუსეთის მოთხოვნას ჩვენი ქვეყნის ნატო-ში არგაწევრიანების შესახებ, – ამის შესახებ უკრაინის საგარეო საქმეთა მინისტრმა, ანდრეი სიბიგამ განაცხადა.

სიბიგას განცხადებით, უკრაინა რჩება პოზიციაზე, რომ სამშვიდობო მოლაპარაკებების ფარგლებში შეუძლებელია ნატო-ში გაწევრიანების საკითხზე დათმობაზე წასვლა. მისივე თქმით, მოკავშირე სახელმწიფოების კოლეგებს აცნობა კიევის პრინციპული პოზიცია ნატო-ში გაწევრიანებასთან დაკავშირებით.

„არსებობს ფუნდამენტური საკითხები, რომლებსაც უკრაინა არ მიიღებს“, – განაცხადა სიბიგამ.

უკრაინის საგარეო უწყების ხელმძღვანელმა აღნიშნა, რომ უკრაინის ნატო-ში გაწევრიანება არ არის მოკლევადიანი მიზანი.

„ჯერ არ არის კონსენსუსი, მაგრამ ეს არ არის დაკავშირებული სხვა ქვეყნის, მაგალითად, რუსეთის ვეტოსთან“, – განაცხადა სიბიგამ.

როგორც სიბიგა აღნიშნავს, დარწმუნებულია, რომ უკრაინის ალიანსში გაწევრიანება სჭირდება არა მხოლოდ თავად უკრაინას, არამედ რეგიონს.

„ჩვენი უსაფრთხოებისა და ტრანსატლანტიკური უსაფრთხოების უზრუნველყოფის ყველაზე ეფექტური გზა, არის ჩვენი ნატო-ში გაწევრიანება“, – განაცხადა სიბიგამ.

ავტორი: ექსპრესნიუსი,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა