სალომე ზურაბიშვილი არის ოპოზიციის ლიდერი. რაც ოპოზიციაა, ის არის ლიდერიც, –  ამის შესახებ საქართველოს პარლამენტის თავმჯდომარემ, შალვა პაპუაშვილმა ჟურნალისტებს განუცხადა.

მისივე თქმით, სალომე ზურაბიშვილი ოპოზიციის განსახიერებაა.

„მკითხეთ, რატომ არ არის სალომე ზურაბიშვილი ოპოზიციის ლიდერი? როგორ არ არის? სალომე ზურაბიშვილი არის ოპოზიციის ლიდერი. რაც ოპოზიციაა, ის ლიდერია. რასაც ხედავთ სალომე ზურაბიშვილში, ზუსტად ეს არის ოპოზიციის სარკე. ნათქვამია, ფერი ფერსა, მადლი ღმერთსაო, რაც ოპოზიციაა, ის ლიდერია. სალომე ზურაბიშვილის როლი ოპოზიციაში არის ის, რომ საზოგადოებას დაანახოს, რა არის ოპოზიცია. მისი სახით, როგორც მისი რიტორიკით, ისე მისი ქვეყნის მიმართ მტრობით, ტყუილით, ჩვენ გვაქვს სახე ოპოზიციის. სხვათა შორის, თუ არ ვცდები, ორი დღის წინ ბრიტანეთის პარლამენტს დისტანციურად ჩაერთო საქართველოს არჩევნებში რუსულ გავლენასთან დაკავშირებით. ადამიანმა, რომელიც ამ ქვეყნის პრეზიდენტი იყო, როდესაც არჩევნები ჩატარდა, საქართველოს დააბრალა, თითქოს არჩევნებში რუსეთის ჩარევის შედეგად დადგა შედეგები. შემდეგ პასუხი ვერ გასცა მათ კითხვას, რა ფაქტები ჰქონდა. ახლა ჩაერთო ლონდონში პარლამენტს და ვერცერთი ფაქტი ვერ დაასახელა. არ არის ეს სირცხვილი და მტრობა საკუთარი ქვეყნის მიმართ, რომ ასეთი ანტიქართული ბრალდებებით წარდგე? ზურგში დანა ჩაარტყა საკუთარ ქვეყანას, საკუთარ ხალხს, რომელმაც თავის დროზე აგირჩია პრეზიდენტად და აბრალო ტყუილები, შემდეგ გაიწიო, რომ საერთაშორისო ასპარეზზე ვიღაცამ მოგისმინოს. კითხვა დაუსვეს, რა ფაქტები გაქვთო. არაფერი ფაქტები არ მაქვს, მე ხომ უსაფრთხოების სამსახური არ ვარო. თუ ფაქტი არ გაქვს, აბა, რას ლაპარაკობ, რას აბრალებ. ეს არის პასუხისმგებლობა, რომ რაღაც როცა არ იცი, არ უნდა ილაპარაკო. აქედან გამომდინარე, ზუსტად ეს არის სალომე ზურაბიშვილის დანიშნულება, ვუყუროთ მას და მივხვდეთ, რა ოპოზიცია და ენჯეოსექტორი გვყავს, ვინაიდან ის არის დღეს სახე უცხოური გავლენით მოქმედი ოპოზიციისა და „ენჯეოების“. როგორც იტყვიან, მე ოპოზიციის ვერაფერი გავიგე. ერთი რამე ვიცი და ერთი რამ არის კარგი, სალომე ზურაბიშვილს არ აქვს დიდი უნარი, შეფუთოს, დამალოს რაღაც ნეგატივები, ამას პირდაპირ ვხედავთ, სარკე არის ოპოზიციის თავისი განცხადებებით, მტრობით, საქციელით, არაადეკვატური შეფასებებით, ურთიერთგამომრიცხავი რიტორიკით, განსახიერებაა ოპოზიციის. ამიტომ, ეს კარგია“, – განაცხადა შალვა პაპუაშვილმა.

ავტორი: ექსპრესნიუსი,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება