2025-03-26 10:12:02, 581 ნახვა
პოლიტიკა
სალომე ზურაბიშვილი დღეს შეხვედრებს ლატვიაში გამართავს
საქართველოს მეხუთე პრეზიდენტი, სალომე ზურაბიშვილი ბალტიის რეგიონში ვიზიტის ფარგლებში, დღეს, შეხვედრას ლატვიის პრეზიდენტ ედგარს რინკევიჩთან გამართავს. ამის შესახებ ინფორმაციას ზურაბიშვილის პრესსამსახური ავრცელებს.
მათივე ცნობით, ასევე, შეხვედრები გაიმართება ლატვიის სეიმის სპიკერთან, სეიმის თავმჯდომარის მოადგილესთან და საგარეო კომიტეტის წევრებთან.
სალომე ზურაბიშვილი ლატვიაში ვიზიტს ანალიტიკური ცენტრის წარმომადგენლებთან შეხვედრით დაასრულებს, სადაც ქვეყანაში შექმნილი მდგომარეობისა და არსებული გამოწვევების შესახებ ისაუბრებს.
გარდა ამისა, დაგეგმილია ზურაბიშვილის ინტერვიუები საერთაშორისო მედიის წარმადგენლებთან.
ავტორი: ექსპრესნიუსი,
epn.ge (@expressnews.ge)
