იუსტიციის სახლმა  ფოტოგამოფენას - "ძალადობა  ქორწინების სახელით" უმასპინძლა. ღონისძიება არასრულწლოვანი გოგონების  ქორწინების  წინააღმდეგაა მიმართული. ფოტოგამოფენის ორგანიზატორი "ქალთა მოძრაობაა", იუსტიციის სახლის საჯარო სივრცე კი,  ღონისძიებისათვის  "ქალთა მოძრაობას" იუსტიციის მინისტრმა შესთავაზა.

გამოფენა თეა წულუკიანმა "ქალთა მოძრაობის" წარმომადგენლებთან ერთად გახსნა.

"მარტი ქალთა და გოგონების თვეა და სწორედ ამ პერიოდს დავამთხივეთ  ეს პატარა და ბევრის მთქმელი გამოფენა, რომელიც ქალთა  უფლებების  დაცვის არასამთავრობო ორგანიზაციებმა შემოგვთავაზეს და რომელსაც პირველად თბილისის იუსტიციის სახლი უმასპინძლებს და შემდეგ, ალბათ,  უკვე ქუთაისი.  ეს გამოფენა ეძღვნება ჩვენს გოგონებს  და ყველას მოუწოდებს იმისკენ, რომ არ აიძულოს  12, 13, 14, 15 წლის ბავშვები, რომ გათხოვნდნენ, რადგან გოგონას აქვს განვითარების უფლება და რაც ასევე მთავარია, არჩევანის უფლება, რომ უკვე ზრდასრულ ასაკში, მას შემდეგ, რაც  განათლებას მიიღებს,  გადაწყვეტს,  ვისთან შექმნას ოჯახი", - განაცხადა იუსტიციის მინისტრმა.

ექსპოზიციაზე ქართველი ფოტოხელოვანების  ნამუშევრებია წარმოდგენილი, რომლებიც  18 წლამდე გოგონების  იძულებით ქორწინების  თემაზე შეიქმნა. მათ შორისაა არსრულწლოვან ასაკში დაქორწინებულთა პორტრეტები,  სიტუაციური ფოტოები და სხვა.

ფოტოებს ემოციური მინაწერებიც ახლავს, სადაც არასრულწლოვანების ასაკში დაქორწინებული ქალები  ნაადრევი გათხოვების უარყოფით მხარეებზე საუბრობენ.

"ადრეული ქორწინების შესახებ ამ ფოტოგამოფენას ქალთა მოძრაობა  და იუსტიციის სახლები ერთად აკეთებენ.  ძალიან მნიშვნელოვანია,  რომ ეს გამოფენა   იმოგზაურებს მთელ საქართველოში და ყველა იუსტიციის სახლში ჩავა. ამ გამოფენის  მიზანია, ცნობიერების გაზრდა იმის შესახებ,  თუ როგორი სერიოზული პრობლემაა ადრეული ქორწინება და როგორ გავრცელებულია ის საქართველოში", - განაცხადა  "ქალთა მოძრაობის" წევრმა ბაია პატარაიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა