უკრაინის მიღმა რუსული საფრთხე რეალურია, ეს ევროპულ ქვეყნებზე გავლენას ახდენს, ჩვენ გვეხება"  - ამის შესახებ, საფრანგეთის პრეზიდენტმა ემანუელ მაკრონმა ერისადმი მიმართვაში განაცხადა.- იუწყება BFM TV.

"მშვიდობისკენ მიმავალი გზა არ შეიძლება იყოს უკრაინის მიტოვებით", - თქვა მან და დასძინა, რომ მშვიდობა "არ შეიძლება აშენდეს ნებისმიერ ფასად და რუსეთის დიქტატის ქვეშ და არ შეიძლება იყოს უკრაინის კაპიტულაცია".

მან მხარი დაუჭირა ევროპული ჯარების განლაგებას უკრაინაში და ხაზგასმით აღნიშნა, რომ ეს ძალები „დღეს არ წავლენ ფრონტის ხაზზე, მაგრამ იქნებიან იქ, როგორც კი მშვიდობა გაფორმდება, რათა უზრუნველყონ მისი სრული დაცვა“. მაკრონმა თქვა, რომ მომავალ კვირას საფრანგეთი შეკრებს ქვეყნების შტაბის უფროსებს, რომლებიც მზად არიან „უკრაინაში მომავალი მშვიდობის გარანტიისთვის“.
საფრანგეთის პრეზიდენტმა თქვა, რომ "სიგიჟე" იქნება მისი ქვეყანა "საფრთხეების სამყაროში" "მაყურებლად" დარჩეს.

"უკრაინაში ომი 3 წელზე მეტია, რაც მიმდინარეობს და პირველივე დღიდან ჩვენ გადავწყვიტეთ, რომ უკრაინას მხარი დავუჭიროთ და რუსეთს სანქციები დავუწესოთ. ეს სწორი გადაწყვეტილება იყო, რადგან უკრაინელი ხალხი მხოლოდ საკუთარი თავისუფლებისთვის არ იბრძვის, საფრთხის წინაშე ჩვენი უსაფრთხოებაცაა. თუ ქვეყნის მხრიდან ევროპაში მის მეზობელზე თავდასხმა დაუსჯელად ჩაივლის, დარწმუნებული ვერავინ ვეღარაფერში იქნება. "ძლიერი მართალს ნიშნავს" კანონი გახდება

მშვიდობა გარანტირებული ვეღარ იქნება ჩვენს კონტინენტზე. ისტორიამ ეს გაკვეთილი გვასწავლა. უკრაინის მიღმა რუსული საფრთხე რეალურია, ეს ევროპულ ქვეყნებზე გავლენას ახდენს, ჩვენ გვეხება" - განაცხადა მაკრონმა.

ავტორი: ექსპრესნიუსი,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა