საქართველოს მეხუთე პრეზიდენტი, სალომე ზურაბიშვილი, 14 თებერვალს მიუნხენში გამგზავრებამდე, ქართულ არასამთავრობო ორგანიზაციათა წარმომადგენლებსა და სამოქალაქო აქტივისტებს შეხვდა.

როგორც ზურაბიშვილმა შეხვედრის შემდეგ განაცხადა, შეხვედრაზე მნიშვნელოვანი და საინტერესო საკითხები წამოიჭრა, ხოლო უსაფრთხოების კონფერენციაზე, სადაც სხვადასხვა სახელმწიფოების მაღალი დონის ხელმძღვანელები იქნებიან, მისი მთავარი გზავნილი იქნება, თუ რა ხდება რეალურად საქართველოში.

„შეხვედრაზე საინტერესო საკითხები წამოიჭრა, უფრო გეოპოლიტიკური კუთხით, თუ რამდენად მნიშვნელოვანია, რომ იქ მივიტანო, მითუმეტეს ეს არის უსაფრთხოების კოფერენცია, სადაც სხვადასხვა სახელმწიფოების მაღალი დონის ხელმძღვანელები იქნებიან და მათთან მივიტანო მთავარი გზავნილი, თუ რა ხდება საქართველოში, არა მხოლოდ დიქტატურა, რეპრესიები და რუსული რეჟიმი, არამედ ის, რომ აქ დგას საშიშროება, რეალურად საქართველოში რუსეთმა მოიგოს ის, რაც ვერასოდეს მოიგო და ეს იყოს პირველი ასეთი მარცხი დასავლეთისთვის, ევროპისთვის და ამერიკის ახალი ადმინისტრაციისთვის.

მე ვარ ძალიან დამუხტული და კმაყოფილი ამ შეხვედრებით, ეს გაგრძელდება ხვალაც და ზეგაც. ეს პლატფორმები, რომლებიც იქმნება, არის რეალურად პოლიტიკური პროცესი და  ეს კორდინაცია, რომელიც დაიწყო, არის ის პროცესი, რომელსაც ყველა ელოდებოდა და ჩვენი, ყველასი ვალდებულებაა გავაძლიეროთ და ყველას დავეხმაროთ.“ -  განაცხადა ზურაბიშვილმა.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის