თურქეთის პრეზიდენტი რეჯეფ თაიფ ერდოღანი აშშ-ის ადმინისტრაციის ახალ ხედვებს ღაზის სექტორთან დაკავშირებით აკრიტიკებს და აცხადებს, რომ ღაზის გადაბარების შესახებ გეგმის განხილვას აზრი არ აქვს.

„მინდა, ნათლად განვაცხადო: აშშ-ის ახალი ადმინისტრაციის მიერ ისრაელის მხარდამჭერი ჯგუფების ზეწოლით წამოყენებულ წინადადებებში არაფერია განსახილველი ან გასათვალისწინებელი, ჩვენი თვალსაზრისით. ეს არის უბრალოდ უაზრო ფიქრები და წყლის ნაყვა. არავის აქვს ძალა, გაასახლოს ხალხი თავიანთი მარადიული სამშობლოდან, რომელიც მათ ათასწლეულების განმავლობაში ეკუთვნით. პალესტინა პალესტინელებს ეკუთვნის – ღაზით, დასავლეთ სანაპიროთი და აღმოსავლეთ იერუსალიმით. ღაზის მოსახლეობა, რომელმაც არ დატოვა თავისი მიწა ისრაელის 471-დღიანი სისასტიკის, ველურობისა და თავდასხმების მიუხედავად, კვლავ დარჩება ღაზაში, განაგრძობს ცხოვრებას და მის დაცვას“, – აღნიშნა თურქეთის პრეზიდენტმა.

შეგახსენებთ, რომ დონალდ ტრამპმა ისრაელის პრემიერ-მინისტრთან, ბენიამინ ნეთანიაჰუსთან შეხვედრის შემდეგ განაცხადა, რომ შეერთებული შტატები მზადაა, აიღოს პასუხისმგებლობა ღაზის სექტორზე. მოგვიანებით აშშ-ის პრეზიდენტმა სოციალურ ქსელში დაწერა, რომ საბრძოლო მოქმედებების დასრულების შემდეგ ღაზის სექტორს ისრაელი აშშ-ს გადასცემს.

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე